பகவான் புத்தர் ஒரு மிகச் சிறந்த உண்மையை உலகிற்கு போதித்தார். வேதங்களும், சாஸ்திரங்களும் கூறுபவை மட்டுமே சத்தியம் அல்ல என பறைசாற்றினார். பிறருக்குத் தீங்கிழைக்காமையே தலைசிறந்த தர்மம் என்பதை மக்கள் மனதில் கொள்ள வேண்டும். சிந்தனை, சொல் மற்றும் செயலால் எவருக்கும் துன்பம் இழைக்காதீர்கள். பௌர்ணமி எதைக் குறிக்கிறது? அது முழுமையைக் குறிக்கிறது. மனம் ப்ரேமையால் நிரம்பி இருக்கும் போது, அது முழுமையை அடைகிறது. மனம் இருளால் (தீய சிந்தனைகள்) மண்டி இருக்கும் வரை, புத்த பூர்ணிமாவைக் கொண்டாடுவதில் எந்த அர்த்தமும் இல்லை. இந்த இருளை விட்டொழியுங்கள். இதயத்தில் ப்ரேமையின் தீபம் இன்றி, வெளியில் விளக்குகளை ஏற்றுவதால் என்ன பயன்? தெய்வீகத்தின் ஜோதியை உங்கள் மனங்களில் ஏற்றுங்கள். உங்கள் இதயங்களில் இருந்து த்வேஷத்தையும், பொறாமையையும் விரட்டி அடியுங்கள். மனிதன் இரண்டு தீய கிரகங்களுக்கு பலியாகிறான்; விருப்பு மற்றும் வெறுப்பு (ராக மற்றும் த்வேஷா) அவற்றின் பிடியிலிருந்து தப்புவதற்கு, ப்ரேமையை வளர்த்துக் கொள்வதே ஒரே வழியாகும்.