‘’ சாய் பாபா ‘’ என்ற நாமத்தை எடுத்துக் கொள்ளுங்கள். ‘’ சா ‘’ என்றால் தெய்வீகம்; ‘’ ஆய்’’ அல்லது ‘’ஆயி’’ என்றால் தாய்; ‘’ பாபா ‘’ என்றால் தந்தை. உங்களது உடல் ரீதியான பெற்றோர்கள், ஓரளவு சுயநலம் படிந்த அன்பைத் தான் காட்டுகிறார்கள்; ஆனால், தெய்வீகத் தந்தையும், தாயுமான உங்கள் சாய், ஆத்ம சாக்ஷாத்காரத்திற்கான போராட்டத்தில் வெற்றியை நோக்கி உங்களை இட்டுச் செல்வதற்காக மட்டுமே அன்பையோ அல்லது கண்டிப்பையோ பொழிகிறார். இதற்காக,மனித குலம் அனைத்தையும் சகோதரத்துவத்தின் பிணைப்பால் ஒரே குடும்பமாக ஒன்று சேர்ப்பது என்ற உன்னதமான பணிக்காக, சாய் அவதாரம் எடுத்து இர(ற)ங்கி வந்துள்ளார். அவரது பணி, இந்த பிரபஞ்சம் அனைத்திற்கும் ஆதாரமான தெய்வீகத்தை வெளிப் படுத்துவதற்காக, ஒவ்வொரு ஜீவராசியின் உள்ளும் உறையும் ஆத்ம தெய்வீகத்தை ஒளியூட்டி உறுதி செய்வதாகும். நீங்கள் அனைவரும் உங்களது விலங்கு குணங்களை விடுத்து, தெய்வீக நிலைக்கு உயரும் பொருட்டு, ஒவ்வொருவரையும் பிணைக்கும் பொதுவான தெய்வீகப் பாரம்பரியத்தை அனைவரும் உணருமாறு போதிப்பதும் அவரது பணியாகும். நீங்கள் இதை சிந்தித்து, ஆனந்தம் பெற வேண்டும் என நான் விரும்புவதால், நான் என்னைப் பற்றிய சத்தியத்தை இந்த அளவு சொல்ல வேண்டி உள்ளது. நான் விதித்துள்ள ஆன்மீகக் கட்டுப் பாடுகளை அனுசரிப்பதற்கு நீங்கள் உந்தப்பட்டு, அதன் மூலம் உங்களது இதயங்களில் பிரகாசிக்கும் சாயியை உணரும் ஆத்ம சாக்ஷாத்காரத்தை அடைவதற்கான குறிக்கோளை நோக்கி நீங்கள் முன்னேற வேண்டும் என்பதே என் விருப்பம்.