இறைவன் அனைவருள்ளும் உறைகிறான்.அவன் ஒவ்வொரு இதயத்திலும் வசிக்கிறான்.எனவே, இறைவனை , ஒரு கோவில், ஒரு மசூதி அல்லது ஒரு சர்ச்சிற்குள் அடைத்து விடாதீர்கள். ஒரு மனிதன் எங்கு இருக்கிறானோ , அங்கு இறைவன் இருக்கிறான். இறைவன் ஒரு மனித உருவம் எடுத்துக் கொள்கிறான் (தெய்வம் மனுஷ ரூபேனா). இதை நீங்கள் மறந்து இந்த முக்கியமான உண்மையை உணராததால் தான், நீங்கள் பிறரை தூற்றுவதில் ஈடுபடுகிறீர்கள். நீங்கள் யாரைத் தூற்றுகிறீர்கள்? நீங்கள் யாரைப் போற்றுகிறீர்கள்? இதை நீங்களே ஆராயுங்கள். இறைவன் அனைவருள்ளும் உறைகிறான். நீங்கள் பிறரைத் தூற்றினால், இறைவனையே தூற்றுகிறீர்கள். நீங்கள் யாரை வணங்கினாலும், அது இறைவனையே சென்றடைகிறது( ஸர்வ ஜீவ நமஸ்காரம் சேசவம் பிரதிகச்சதி); நீங்கள் யாரையாவது அவமதித்தாலோ அல்லது தூற்றினாலோ அதுவும் கூட இறைவனையே சென்றடைகிறது ( ஸர்வ ஜீவ திரஸ்காரம் கேசவம் பிரதி கச்சதி). இந்தத் தருணத்திலிருந்தே, தீய சிந்தனைகளையும், கொடிய குணங்களையும் விடுத்து, ஒரு புதிய வாழ்க்கையைத் தொடங்குங்கள். உங்கள் இதயத்தைப் பரிசுத்தமாக்கிக் கொள்ளுங்கள். அனைவரையும் நேசித்து, அனைவருள்ளும் இறைவன் இருக்கிறான் என்பதை நம்புங்கள். உங்கள் இதயத்தைப் பரிசுத்தமான ப்ரேமையால் நிரப்புங்கள். உங்களது சிந்தனைகள், சொற்கள் மற்றும் செயல்கள் புனிதமாக இருக்கட்டும். அதன் பிறகே, உங்கள் வாழ்க்கை ஆனந்தமயமாக இருக்கும்.