நீங்கள், இந்த உலகின் பல பொருட்களின் மீது ஆசையை வளர்த்துக் கொள்கிறீர்கள்.உங்களது துன்பங்கள் அனைத்திற்கும் அடிப்படைக் காரணம் ஆசையே.’’ குறைந்த சுமை, நிறைந்த சௌகரியம், பயணத்தை ஒரு சுகமாக்குகிறது ‘’. சுமை இருந்தால், நீங்கள் இடரிலிருந்து தப்ப முடியாது. இங்கு சுமை என்பது உலகியலான உறவுகள் மற்றும் ஆசைகளைக் குறிக்கிறது. உலகியலான பந்தங்கள் எனும் உங்களது சுமையை நீங்கள் குறைத்தால் மட்டுமே, உங்களுக்கு உண்மையான சந்தோஷம் கிடைக்கும். இந்த உலகில் நீங்கள் ஆசை வைப்பதற்கு என்று எதுவுமே இல்லை. உங்கள் மனதில் உலகியலான எந்த ஆசையும் எழுந்தால், அதனை உடனே விட்டு விடுங்கள். ஆசைகளை விட்டு விடுவதே உண்மையான துறவாகும். இந்த உலகில் பல கோடீஸ்வரர்கள் இருக்கிறார்கள்- அதில் யாராவது நிரந்தரமாக உயிரோடு இருக்க முடிகிறதா? அவர்கள் வருகிறார்கள், போகிறார்கள்! ஒருவர் குவித்துக் கொள்வது எவ்வளவு இருந்தாலும், ஒவ்வொருவரும் வெறும் கையோடு தான் போக வேண்டும். இறுதியில், உலகியலான உடமைகள் எல்லாமே பயனற்றவையே. எனவே, தேவையில்லாத உலகியலான உறவுகளையோ அல்லது ஆசைகளையோ வளர்த்துக் கொள்ளாதீர்கள். உங்களது கடமைகைள ஆற்றும் அளவிற்கு மட்டுமே உங்களுக்கு உடல் பற்று இருக்க வேண்டும். தற்காலத்தை நல்ல முறையில் பயன்படுத்தி, உங்களது கடமைகளை நேர்மையாக ஆற்றுங்கள்; எதிர் காலத்தில் என்ன நடக்கும் என்பதைப் பற்றி தேவையின்றி கவலைப் படாதீர்கள்.