நீங்கள் அனைவரும் ப்ரேமை மற்றும் தெய்வீகத்தின் திருவுருவங்கள்.என்ன எல்லாம் நடக்க வேண்டுமோ அது நடந்தே தீரும். அதைப் பற்றிக் கவலைப் படாதீர்கள். கடந்த காலம் கடந்து விட்டது. அதை மறந்து விடுங்கள். எதிர்காலம் , நிச்சயமற்றது. அதைப் பற்றிக் கவலைப் பட்டுக் கொண்டு இருக்காதீர்கள். நிகழ்காலமே முக்கியமானது. நிகழ்காலத்தில் வாழுங்கள், சந்தோஷமாக இருங்கள். கடந்த காலம் மற்றும் எதிர்காலத்தைப் பற்றிக் கவலைப் படாதீர்கள். கடந்த காலம் எங்கே இருக்கிறது? பல மனிதர்கள் கடந்து சென்று விட்டார்கள். அவர்களில் யாராவது திரும்ப வந்திருக்கிறார்களா? எவரும் இல்லையே. அதைப் போலவே, நமக்கு எதிர் காலத்தைப் பற்றி எதுவும் தெரியாது. அதைப் பற்றி நாம் ஏன் கவலைப் பட வேண்டும்? தற்கால்த்தில் சந்தோஷத்தை நாடுங்கள். உங்களுக்கு இப்படிப் பட்ட ஒரு மனப்பாங்கு இருந்தால், நீங்கள் வாழ்க்கையில் எதைப் பற்றியும் கவலைப் பட மாட்டீர்கள். கவலையின் உருவம் என்ன? அது மனதால் உருவாக்கப் பட்ட ஒரு அச்சமே. நாம் ஒருபோதும் கவலைப் படக் கூடாது. அவசரம், கவலை மற்றும் எண்ணெயில் செய்யப் பட்ட கறி ஆகியவையே இதய நோய்களுக்கு காரணமாகும். நீங்கள் எனவே, அவசரம், கவலை மற்றும் எண்ணெயில் செய்யப் பட்ட கறி ஆகியவற்றைத் தவிர்க்க வேண்டும். ஒரு உண்மையான பக்தனுக்கு எந்தக் கவலையும் இருக்காது. நீங்கள் கவலைகளால் பீடிக்கப் பட்டு இருந்தால், நீங்கள் உங்களை ஒரு பக்தன் எனக் கூறிக் கொள்ள முடியாது.