ஒரு புது வாழ்க்கையைத் தொடங்குவதற்கு நீங்கள், ஒரு புது வருடம் வர வேண்டும் எனக் காத்திருக்கத் தேவையில்லை. ஒவ்வொரு நொடியையும் புதியதாகக் கருதுங்கள். உங்களது வாழ்க்கையின் ஒவ்வொரு தருணத்தையும் புனிதமாக்கிக் கொள்ளுங்கள். ஒரு புது வருடத் தொடக்கத்தை அனுசரிப்பது என்பது பஞ்சாங்கக் காரர்களின் கூற்றைப் பொறுத்தது. நாட்காட்டி என்பது மனிதன் உருவாக்கிய ஒரு கருவியே. சூரியனும், சந்திரனும் மாறாமல் தான் இருக்கின்றன. சர்வ வல்லமை பொருந்திய, அங்கிங்கெனாதபடி எங்கும் நிறைந்திருக்கும் தெய்வீகம் இப்படிப் பட்ட கருத்துக்களுக்கு அப்பாற்பட்டதாகும். சத் ( பரமாத்மா ) மற்றும் சித்தின் ( ஜீவாத்மா ) ஒருமையை உணருவதற்கு உளமாற விரும்புங்கள். இந்த இரண்டறக் கலத்தலை அடைந்து விட்டால், நீங்கள் ஆனந்தத்தை அனுபவிப்பீர்கள். இதுவே ஒவ்வொருவரின் முன் உள்ள தலையாய பணியாகும். நீங்கள் அனைவரும், உங்களது மனிதப் பிறவியின் இன்றியமையாத அந்தக் குறிக்கோளை அடைவதற்குப் பாடுபட வேண்டும். நீங்கள் இந்த உலகில் ஆற்றும் உங்களது செயல்களால் கட்டுண்டவர்கள். இந்த பிரபஞ்சம் அனைத்தையும் பரமாத்மாவின் ஒரு தலை சிறந்த மாளிகையாகக் கருதுங்கள்! உங்களது செயல்கள் நல்லவையாக இருக்கட்டும். உங்களது பேச்சில் பரிசுத்தமாக இருங்கள். ஒரு புனிதமான கண்ணோட்டத்தை வளர்த்துக் கொண்டு, உங்களது இதயங்களைத் தூய்மையாக்கிக் கொள்ளுங்கள்.