தட்டில் வைக்கப்பட்ட உணவு, நம்மால் சாப்பிடப் படாமலும் அல்லது பசியால் வாடும் ஒருவருக்கு அளிக்கப்படாமலும், பயன்படுத்தப் படாமல் இருந்தால், அழுகி விடும். அதைப் போலவே, நம்முடைய சொந்த முயற்சியினாலோ அல்லது அவற்றை தூய்மைப் படுத்தும் முறையில் வெற்றி கண்ட ஆன்றோர்களின் அறிவுரைக்கு செவி மடுத்தோ, நமது குறைகளும் தவறுகளும் திருத்தப் படாமல் இருக்குமானால், நமது வாழ்க்கைகளின் விதி எப்படி இருக்கும் என்று கற்பனை செய்து பாருங்கள் ! தட்டில் வெகு காலம் வைக்கப் பட்ட வேக வைத்த பருப்பைப் போல, வாழ்க்கை துர்நாற்றம் வீசத் தொடங்கும். ஆன்மிக, ஒழுக்க மற்றும் நடத்தை முறை பண்புகள் மனித சாதனையின் மணி மகுடங்கள் என்ற உண்மையை மக்கள் உணருவதில்லை. பதவியில் இல்லாத போது, மக்கள் கல்வி முறையைப் பற்றிய கட்டுரைகளையும் செய்திகளையும் எழுதுவதோடு, கிளிப் பிள்ளைகளைப் போன்ற மேடைப் பேச்சுக்களில் ஈடுபடுவார்கள். அதே மனிதர்கள், அதிகாரப் பதவிகளை அடைந்த பிறகு, அவர்கள் முன்பு பேசிய பேச்சுக்களுக்கு எதிர் மாறான முறைகளைக் கடைப்பிடிப்பார்கள். மேடைப் பேச்சுக்கள் நல்லவையே, ஆனால் அவற்றைக் கடைப்பிடிப்பது என்பது முடங்கி விடக் கூடாது. கடைப்பிடிக்கப் படாத இப்படிப் பட்ட பேச்சு என்ற இந்த வியாதி குணப்படுத்தப் படாவிட்டால், கல்வி மற்றும் உண்மையான பாண்டித்யம், அதன் நிஜமான மதிப்புடன் வெளிப்படாது!