நீங்கள் உங்கள் வாழ்க்கையில் பல யுகாதிப் பண்டிகைகளைக் கொண்டாடி இருக்கலாம். ஒவ்வொரு பண்டிகையும், புனித நீராடுவது,புத்தாடைகளை உடுத்துவது, வீட்டைத் தூய்மைப்படுத்தி , மாவிலைத் தோரணங்களால் அலங்கரிப்பது போன்ற பல பாரம்பரியச் சம்பிரதாயங்களைக் கொண்டதாக இருக்கும். வெறும் நிலையற்ற இந்த மனித உடலை அல்லாது,நமது சிந்தனைகளைத் தூய்மைப்படுத்துவதில் தான் மேன்மை இருக்கிறது. ஒரு பண்டிகையின் முக்கியத்துவம், புதிய மற்றும் சீரிய சிந்தனைகளை அபிவிருத்தி செய்து கொள்வதில் இருக்கிறதே அன்றி, புத்தாடைகளை உடுத்திக் கொள்வதில் அல்ல. இல்லம், ப்ரேமையின் தோரணங்களால் அலங்கரிக்கப் பட வேண்டுமே அன்றி வெறும் மாவிலைத் தோரணங்களால் அல்ல. உங்கள் இல்லங்களில் உங்களைச் சந்திக்க வரும் ஒவ்வொருவருடனும், உங்கள் ப்ரேமையைப் பகிர்ந்து கொள்ளுங்கள். அதன் பிறகே, நாம் பண்டிகையை அதன் உண்மையான உணர்வுடன் கொண்டாடுவதாக இருக்கும். இன்று மனித குலம் அச்சத்தாலும், அசாந்தியாலும் பீடிக்கப் பட்டுள்ளது. புனிதமற்ற சிந்தனைகள் மற்றும் கொடிய உணர்வுகளின் காரணமாக, தைரியமும், வலிமையும் வீழ்ச்சி அடைந்து கொண்டு இருக்கின்றன. உங்களது எதிரிகள் புறத்தில் இல்லை. தீய சிந்தனைகளே உங்களது மோசமான எதிரிகள்; சத்தியத்தை ஆதாரமாகக் கொண்ட சீரிய சிந்தனைகளே உங்களது சிறந்த நண்பர்கள் !