ஆன்மிக சாதகர், எப்போதும் உண்மையானவை மற்றும் ஆனந்தமானவற்றை நாடி, அசத்யமான, சோகமான மற்றும் மனச்சோர்வளிக்கும் அனைத்து சிந்தனைகளையும் தவிர்க்க வேண்டும்.மனத்தளர்ச்சி,சந்தேகம், வன்மம் இவை ஒரு ஆன்மிக சாதகருக்கு, ராகு, கேது போன்றவை. அவை, ஒருவரது ஆன்மிக சாதனைக்கு தீங்கு விளைவிப்பவை. எப்போது ஒருவரது பக்தி நன்றாக நிலை கொண்டு விடுகிறதோ அப்போது, இவை தோன்றினால், அவற்றை எளிதாக விட்டு விட முடியும். எல்லாவற்றிற்கும் மேலாக, ஆன்மிக சாதகர், எல்லா சந்தர்ப்பங்களிலும், ஆனந்தமாகவும், சிரித்த முகத்துடனும், உற்சாகமாகவும் இருப்பது மிகச் சிறந்ததாகும்.பக்தி மற்றும் ஞானத்தை விடவே, இந்த பரிசுத்தமான மனப்பாங்கு விரும்பத் தக்கதாகும். இதைப் பெற்றவர்கள், தங்கள் குறிக்கோளை அடைவதற்கு முதல் தகுதியானவர்களே. எல்லாக் காலங்களிலும், ஆனந்தமாக இருக்கும் இந்த குணம், முந்தைய ஜன்மங்களில் ஆற்றிய நல்லவற்றின் பலனாகும். எப்போதும், கவலையுடனும், மனச்சோர்வுடனும், சந்தேகத்துடனும் இருப்பவர், அவர் எந்த விதமான ஆன்மிக சாதனையை மேற்கொண்டாலும் கூட, ஒருபோதும் ஆனந்தத்தை அடைய மாட்டார். ஒரு ஆன்மிக சாதகரின் முதல் பணி, உற்சாகத்தை அபிவிருத்தி செய்து கொள்வது தான். அந்த உற்சாகத்தின் மூலம், எந்த விதமான ஆனந்தத்தையும் பெற முடியும்.