கொக்கைப் பாருங்கள்; அது தண்ணீரில் இருக்கும் போது வேகமாக நடக்கிறது. ஆனால், நடந்து கொண்டு இருக்கும் போது, அதனால் மீனைப் பிடிக்க முடியாது; அதற்காக அது அமைதியாகி, சலனமற்று நிற்க வேண்டும். அதைப் போலவே, நீங்கள் உங்களது அன்றாட வாழ்க்கையை, பேராசை, கோபம் போன்ற குணங்களோடு நடத்தினீர்களானால், நீங்கள் சத்தியம், தர்மம் மற்றும் சாந்தி என்ற மீனைப் பெற முடியாது. ஒருவர் எந்த விதமான ஆன்மிக சாதனையில் ஈடுபட்டிருந்தாலும், இடையறாத இறை நாமஸ்மரணையைக் கடைப்பிடிக்க வேண்டும்.அதன் பின்னரே, இயல்பான குணங்களான பேராசை, கோபம், போன்றவற்றை நீங்கள் வெல்ல முடியும். அனைத்து சாஸ்திரங்களும் இந்த ஒரு பாடத்தைத் தான் போதிக்கின்றன; இறைவனே பிரபஞ்சமயமான குறிக்கோளாக இருப்பதாலும், இந்த வாழ்க்கைப் பயணம் அதன் முடிவாக சேரும் இடமாக இறைவனையே கொண்டிருப்பதாலும், இறைவனை எப்போதும் கவனத்தில் வைத்துக் கொண்டு, நற்பாதையில் இருந்து உங்களை வழுவச் செய்யும் மனதை அடக்குங்கள். பேச்சில் கட்டுப்பாடு மற்றும் இறைவனை இடையறாது தியானிப்பது என்பதைக் கடைப்பிடிப்பவரிடம், அனைத்து நல்ல குணங்களும் தானாகவே வந்து சேரும்.