சிலர் தியானம் செய்வார்கள்; ஆனால், அவர்கள், சமையல் அறையிலிருந்து வரும் வாசனையால் வெகு எளிதாக கவனத்தை சிதற விட்டு விடுவார்கள். இதை எப்படி இறைவனுக்கான ஒரு பிரார்த்தனையாகக் கூற முடியும்? உங்களது அனைத்து ஆன்மிக சாதனைகளும் ஒரு அலைபாயும் மனதோடு தான் செய்யப் படுகின்றன. ஒரு நிலையான மனதுடன் சிரத்தையாகப் பிரார்த்தனை செய்யுங்கள். நீங்கள் கட்டாயம் பலன்களைப் பெறுவீர்கள். எந்த விதமான ஆன்மிக சாதனையையும் மேற்கொள்ளுங்கள்; ஆனால் முழு மனதார அன்பு செலுத்துங்கள். ப்ரேமை அனைத்து விதமான வியாதிகளையும் தீர்த்து வைத்து, அனைத்து துன்பங்களுக்கும் ஒரு சஞ்சீவியாக செயல்படுகிறது. எனவே, முதலில் ப்ரேமையை வளர்த்துக் கொள்ளுங்கள். இறைவன் ப்ரேமையின் திருவுருவமே என்று நீங்கள் நம்பினால் மட்டுமே இது சாத்தியமாகும். ப்ரேமையே மிகச் சிறந்த மருந்தாகும். நீங்கள், ஒரு தகரக் குடத்தில் ஒரு செடியை வைத்து நீர் ஊற்றினால், அந்தச் செடி நாளடைவில் பட்டுப் போய் விடும்; ஆனால், அதையே நீங்கள் ஒரு நிலத்தில் நட்டு, நீர் ஊற்றினால், அது ஒரு சிறந்த மரமாக வளர்ந்து விடும். நல்ல பலன்களைத் தருவதற்கு, இறைவனது நாம, ரூபங்களை உங்கள் இதயம் எனும் நிலத்தில் பதித்து, அதை ப்ரேமை எனும் நீரால் பேணிக் காக்க வேண்டும்.