எவ்வாறு சந்தோஷத்தை வரவேற்கிறீர்களோ, அவ்வாறே, துக்கத்திற்கும் வரவேற்பு அளியுங்கள். உண்மையில், சுகத்திலிருந்து நீங்கள் பெறும் சந்தோஷம், கஷ்டங்களிலிருந்து விளையும் சந்தோஷத்துடன் ஒப்பிட்டால் மிகவும் அற்பமானதே. சரித்திரம், இந்த உண்மைக்கு உதாரணமாகத் திகழும் பலரால் நிரம்பியதாகும்.அனைத்து சீரிய மற்றும் இலட்சிய மனிதர்கள், அவர்கள் சந்தோஷத்தை அனுபவிப்பதற்கு முன், சோதனைக்களுக்கு ஆளாக வேண்டித் தான் இருந்தது. ந சுகாத் லபதே சுகம் (சுகத்தை, சுகத்திலிருந்து பெற முடியாது). அது வேதனை மற்றும் கஷ்டத்திலிருந்தே பெறப் படுகிறது; ஆனால், மனிதர்கள், கஷ்டங்களை அல்ல, சந்தோஷத்தை மட்டுமே வேண்டுகிறார்கள். இது ஆன்மிகத்தின் கோட்பாடுகளுக்கு முற்றிலும் மாறுபட்டதாகும்.மனிதர்கள் இந்த உண்மையைப் புரிந்து கொள்ள வேண்டும். மக்கள், புண்யகரமான செயல்களின் பலன்களை வேண்டுகிறார்களே அன்றி, அப்படிப்பட்ட எதையும் செய்வதில்லை. பாவகரமான செயல்களின் பலன்களை எவரும் விரும்புவதில்லை, இருந்தாலும் அவர்கள் இவற்றில் ஈடுபடுகிறார்கள்! நீங்கள் எதை சாதிக்க விரும்பினாலும், சரியான பாதையில் செல்வதன் மூலம் நீங்கள் அதை அடையலாம். அதன் விளைவுகளை எதிர் கொள்ள நீங்கள் தயாராக இல்லை என்றால், தவறான பாதையில் செல்லாதீர்கள்.