ஆன்மிகத் துறையில் போராடிக் கொண்டு இருக்கும் போது, நீங்கள் இறைவனையே உங்களது காப்பாளானாக ஏற்றுக் கொள்ளுங்கள். குழந்தைக்குத் தைரியும் ஊட்டுவதற்காக, தாய், அதை சில அடிகள் நடந்து, திரும்புவதற்குத் தூண்டுகிறாள்; ஆனால், அவள் அதை விழ விட மாட்டாள். அது தடுமாறி, தனது சமநிலையை இழப்பது போலத் தோன்றினால், அவள் பின்னால் இருந்து விரைந்து சென்று, அது விழுவதற்கு முன் பிடித்துக் கொள்வாள். இறைவனும் (ஈஸ்வரா) கூட, தனி மனிதனாகிய (ஜீவி ) உங்கள் மீது தனது பார்வையை வைத்திருக்கிறான். அவன் கையில், மனித குலம் எனும் பட்டத்தின் கயிறு இருக்கிறது! சில சமயம் அவன் அதைப் பிடித்து இழுக்கலாம், சில சமயம், அவன் பிடியைத் தளர்த்தலாம்! அவன் எதைச் செய்தாலும், தன்னம்பிக்கையுடனும், கவலையற்றும் இருங்கள், ஏனெனில், கயிறைப் பிடித்திருப்பவன் அவனே! என்றும் இருக்கும் அந்த நம்பிக்கை மேலும் அது உடன் பிறந்த உணர்வாக (ஸம்ஸ்காரா) வலுப்பெறுவது, உங்களை ப்ரேமை ரஸத்தில் ஆழ்த்தும். உங்களையும், இறைவனையும் இணைக்கும் கயிறு, ப்ரேமை மற்றும் இறை அருளின் பந்தமாகும். உங்களது, ப்ரேமை மற்றும் இறை அருளின் பந்தம் இருந்து வலுப்பெறுவதற்கு ஏற்ப, இப்படிப் பட்ட மங்களகரமான மன விருப்பங்களை அடையப் பாடுபடுங்கள்.