தவிர்க்க முடியாததான மரணத்தை, எப்போதும் மனக்கண் முன் வைத்துக் கொண்டு, அனைவருக்கும் நல்லவற்றையே விரும்பி, சத்தியத்தைக் கெட்டியாகப் பற்றிக் கொண்டு, எப்போதும் நல்லவர்களின் நட்பு வட்டத்தையே நாடி, மனதை எப்போதும் இறைவன் பால் நிலை கொள்ளச் செய்து கொண்டு, உங்களை நீங்களே வாழ்க்கைப் பாதையில் ஈடுபடுத்திக் கொள்ளுங்கள். தீய செயல்களையும்,வெறுப்பான மற்றும் தீங்கு விளைவிக்கும் சிந்தனைகளையும் தவிர்த்து, உலகின் மீது பற்று வைக்காமல், வாழுங்கள்.நீங்கள் இப்படி வாழ்ந்தால், உங்களது இறுதித் தருணம் பரிசுத்தமானதாகவும், இனிமையானதாகவும், ஆசீர்வதிக்கப் பட்டதாகவும் இருக்கும். வாழ்க்கை முழுவதிலும் கட்டுப்பாடான முயற்சி, இந்த முழுமையை உறுதி செய்யத் தேவையாகிறது. நல்ல அக உந்துதல்களை (ஸம்ஸ்காரங்கள்) நோக்கி மனம் திருப்பப் பட வேண்டும். ஒவ்வொருவரும் தங்களையே தீவிரமாகப் பரிசோதித்து, குறைகளைக் கண்டறிந்து, அவற்றைத் திருத்திக் கொள்ளப் பாடுபட வேண்டும். மனிதர்கள் தங்களது சொந்தக் குறைகளை கண்டறிந்து. உணரும்போது, அதுவே மறு பிறவி எடுத்ததற்கு ஒப்பாகும். மனிதர்கள் பின்னர், ஒரு புதிய குழந்தைப் பருவத்திலிருந்து, புதுவாழ்வைத் தொடங்குவார்கள். இதுவே உண்மையான விழிப்புணர்வுத் தருணமாகும்.