பல மனிதர்கள், விக்ரஹ வழிபாட்டைப் பழிக்கிறார்கள்; ஆனால், அண்டத்தில் இருப்பதை அணுவிலும் காணக் கூடிய ஒருவரது திறனே உண்மையில் அதன் அடிப்படையாகும்.விக்ரஹ வழிபாட்டின் மதிப்பு, அனுபவத்தினால் நிரூபிக்கப் பட்டதாகும்; அது ஒருவரது கற்பனா சக்தியைப் பொறுத்ததல்ல. இறைவனது ரூபத்தில் (விராட் ஸ்வரூப) எது காணப் படுகிறதோ, அதையே குறைவின்றி, குற்றமின்றி, விக்ரஹ ரூபத்திலும் (ஸ்வரூப) காணலாம். உருவக, உபமானங்கள் கவிதையில் எவ்வாறு பயன்படுகின்றனவோ, அதைப் போலவே விக்ரஹங்கள் பயன்படுகின்றன. அவை, விவரித்து, விசாலமாக்கி, விளக்குகின்றன. ஆனந்தம் என்பது, பொருட்களின் உருவம் மற்றும் கட்டமைப்பிலிருந்து அன்றி, நிலை நாட்டப்படும் உறவிலிருந்து வருகின்றது. எந்தக் குழந்தையும் அல்லாது, சொந்தக் குழந்தையே ஒரு தாயை மகிழ்விக்கிறது. அதைப் போலவே, இந்த பிரபஞ்சத்தில் உள்ள ஒவ்வொன்று மற்றும் அனைத்து பொருட்களின் மீதும் நீங்கள் அப்படிப் பட்ட சொந்தத்தை, அந்த தெய்வீக ப்ரேமையை (ஈஸ்வர ப்ரேம), நிலை நாட்டிக் கொள்ள முடியும் என்றால், பின்னர், உண்மையிலேயே ஒரு அளவற்ற ஆனந்தத்தை அனுபவிக்க முடியும்! இதை உணர்ந்தவர்கள் கட்டாயம் இந்த உண்மையைப் புரிந்து கொள்வார்கள்!