உடல் ஒரு தனி மனிதனின் கோவில், எனவே, இந்தக் கோவிலில் நடப்பது எல்லாம் அந்த மனிதனைச் சார்ந்தது. அதைப் போலவே, இந்த உலகமும் இறைவனின் உடல்; அதில் நிகழும் அனைத்தும், அவை நல்லவையோ அல்லது கெட்டவையோ, அவனைச் சார்ந்ததாகும். தனிமனிதனுக்கும், உடலுக்கும் உள்ள காணக் கூடிய உண்மையிலிருந்து, இறைவனுக்கும், உலகிற்கும் உள்ள காண முடியாத உண்மையைத் தெரிந்து கொள்ளுங்கள். தனி மனிதனுக்கும், இறைவனுக்கும் உள்ள உறவை, மூன்று விதமான கருவிகளைப் பெற்ற ஒவ்வொருவராலும் புரிந்து கொள்ள முடியும்; அவையே 1. விருப்பு மற்றும் வெறுப்பால் மாசுபடாத ஒரு மனம் 2. பொய்மையால் மாசு படாத ஒரு பேச்சு. 3. வன்முறையால் மாசடையாத ஒரு உடல். சாந்தி, சந்தோஷங்கள் வெளியுலக பொருட்களில் பொதிந்து இருப்பதில்லை; அவை உங்களுள்ளேயே இருக்கின்றன. ஆனால், உங்களது அறிவீனத்தால், உங்களுக்கு வெளியே உள்ள, இன்றோ அல்லது நாளையோ நீங்கள் விட்டு விட்டுப் போகப் போகும் இந்த ஒரு உலகத்தில், நீங்கள் அவற்றைத் தேடுகிறீர்கள். அனைத்தின் நிரந்தர சத்யமான சாரத்தை அறிந்து கொள்ள முயலுங்கள். இறைவனே ஆன அந்த ப்ரேமையை அனுபவிக்க முயலுங்கள். ஒவ்வொரு சந்தர்ப்பத்திலும் பகுத்தறிந்து, எது உண்மையோ அதை ஏற்றுக் கொண்டு, பிறவற்றை விட்டு விடுங்கள்.