சக்தியின் உண்மையான வாகனமாகத் திகழும் ஒருவரை, சத்யம், கனிவு, ப்ரேமை, பொறுமை, சகிப்புத் தன்மை மற்றும் நன்றியுணர்வு போன்ற குணாதிசியங்களால் இனம் கண்டு கொள்ளலாம். இவை எங்கு குடி கொண்டுள்ளனவோ, அங்கு அஹங்காரம் வாழ முடியாது, அதற்கு அங்கு இடமில்லை. எனவே, இந்த நற்குணங்களை அபிவிருத்தி செய்து கொள்வதை நாடுங்கள். ஆத்மாவின் பேரொளி, அஹங்காரத்தால் மறைக்கப் பட்டு விடுகிறது. எனவே, அஹங்காரம் அழிக்கப் பட்டு விடும்போது, அனைத்து கஷ்டங்களும் முடிவடைந்து விடுகின்றன, அனைத்து அதிருப்திகளும் மறைந்து விடுகின்றன, ஆனந்தம் கிடைத்து விடுகிறது. எவ்வாறு மூடுபனி, சூரியனை மறைக்கிறதோ, அவ்வாறே, அஹங்கார உணர்வு, நிரந்தரமான ஆனந்தத்தை மறைத்து விடுகிறது. கண்கள் திறந்து இருந்தாலும் கூட, ஒரு துண்டுத் துணியோ அல்லது ஒரு அட்டையோ பார்வையைத் திறம்படவும், பயனுள்ளதாகவும் செயல்படுவதிலிருந்து தடுத்து விட முடியும். அதைப் போலவே, சுயநலத்தின் திரை, எவரையும், எதையும் விடவே, உண்மையில் இந்த பிரபஞ்சத்தில் மிக அருகாமையில் இருக்கும் இறைவனைக் காண்பதிலிருந்து, ஒருவரைத் தடுத்து விடுகிறது.