இறைவனைச் சத்தியமாக, ப்ரேமையாக தியானியுங்கள். நீங்கள் தியானம் செய்வது எந்த ரூபமானாலும்,அந்த ரூபத்திலேயே இறைவனை உணர முடியும். அவனது பக்தர்களின் ஸத்ஸங்கத்திலேயே எப்போதும் இருங்கள். இந்த நல்லோரின் நட்பு வட்டத்தின் மூலம், விவேகமும், வைராக்யமும் உங்களுள் வித்திடப்பட்டு, வளரும். இது ஆத்மாவை வலுப்படுத்தி, உங்களுக்கு அகச் சாந்தியை அளிக்கும். உங்கள் மனம் பின்னர் இறைவனுள் லயித்து விடும். நீங்கள் செய்யும் அனைத்திலும், உங்களுக்கு உள்ள அனைத்து வலிமை மற்றும் திறனைப் பயன்படுத்தி, உண்மையாகப் பேசி, நடந்து கொள்ளுங்கள். முதலில், நீங்கள் இதில் தோல்வியுற்று, இடர்களையும், இன்னல்களையும், எதிர் கொள்ள நேரிடலாம். ஆனால், இறுதியில், நீங்கள் கண்டிப்பாக தேர்ந்து, வெற்றியையும், ஆனந்தத்தையும் அடைவீர்கள். சத்தியம் மட்டுமே வெல்லும், அசத்யம் அல்ல (சத்யமேவ ஜயதே, நான்ரிதம்). உங்கள் நடத்தை மற்றும் வாழ்க்கை முறையின் மூலம், நீங்கள் சத்தியத்தை உணர முடியும்; நீங்கள் உண்மையிலேயே பரமாத்மாவை உணர முடியும். இறைவன் மட்டுமே உண்மை. சத்தியமே இறைவன். ப்ரேமையே பரமாத்மா.