சங்கராந்திப் பண்டிகை, அதன் அனைத்து சௌந்தர்யம் மற்றும் சிறப்புடன் வந்து கொண்டு இருக்கிறது. இது சாதாரணமான தினம் அல்ல. இது, புனிதமான உத்தராயணத்தின் (சூரியனின் வடக்கு நோக்கிய பயணம்) ஆரம்பத்தைக் குறிக்கிறது. இது, நமக்கு வளமையையும், செழிப்பையும் அளித்து, நற்சீலங்களை வளர்த்துக் கொள்வதற்கும், புனிதச் செயல்களை ஆற்றுவதற்கும் உதவி புரிகிறது. உங்கள் சிந்தனைகள் சீரியதாக இருக்குமானால், நீங்கள் உலகனைத்தையும் வெல்ல முடியும். உங்கள் இதயத்தை, உலகியலான சிந்தனைகள் மற்றும் உணர்வுகளினால் நிரப்பினால், நீங்கள் உங்களது உள்ளார்ந்த தெய்வீக குணங்களைக் கடைப்பிடிக்க முடியாது. ஹிரண்யாக்க்ஷகன், ஹிரண்யகசிபு, துரியோதனன், கம்ஸன் ஆகியவர்கள் வெறும் சாதாரணமானவர்கள் அல்ல. அவர்கள் உடல் மற்றும் மனதில் மிகவும் வலிமை படைத்தவர்களாக இருந்தாலும் கூட, அவர்கள் உலகியலான உணர்வுகளில் ஆழ்ந்திருந்ததால், பலஹீனமானவர்களாக ஆகி விட்டார்கள். உங்கள் இதயத்தை உலகியலான உணர்வுகளால் நிரப்பி விடாதீர்கள். ஒவ்வொரு தனி மனிதரும் மிகுந்த வலிமையும்,புத்தியும் படைத்தவரே. நற்சீலங்கள், சீரிய சிந்தனைகள் மற்றும் அப்பழுக்கற்ற குணநலம் ஆகியவற்றை அபிவிருத்தி செய்து கொள்ளுங்கள்; நீங்கள் மிக உயர்ந்த நிலையை அடைவீர்கள்!