ஒரு முறை சுவாமி விவேகானந்தர், ஸ்ரீராமகிருஷ்ண பரமஹம்ஸரிடம் சென்று, ‘’ நீங்கள் கடவுளைக் கண்டிருக்கிறீர்களா?’’ என்று கேட்டார். ‘’ ஆமாம்’’ என்றார் ஸ்ரீராமகிருஷ்ண பரமஹம்ஸர். ‘’ எந்த ரூபத்தில்?’’ என்று கேட்டார் சுவாமி விவேகானந்தர். ஸ்ரீராமகிருஷ்ண பரமஹம்ஸர், ‘’ நான் உன்னைப் பார்க்கிற மாதிரியே அவனையும் பார்த்துக் கொண்டு இருக்கிறேன் ‘’ என பதிலளித்தார். ‘’ பின்னர் ஏன் என்னால் அவனைக் காண முடியவில்லை?’’ அதற்கு ஸ்ரீராமகிருஷ்ண பரமஹம்ஸர், பல விஷயங்களுக்காக நீ எந்த அளவு தீவிரத்துடன் ஏங்கிக் கொண்டு இருக்கிறாயோ, அதே அளவு தீவிரத்துடன் இறைவனுக்காக ஏங்கினால், அவரும் கூட இறைவனை அனுபவிக்க முடியும் என விளக்கினார். ஸ்ரீராமகிருஷ்ண பரமஹம்ஸர், மனிதர்கள், உறவினர், செல்வம் மற்றும் பல அம்சங்களுக்காகக் கண்ணீர் வடிக்கிறார்கள், ஆனால் எவ்வளவு பேர் இறைவனுக்காக கண்ணீர் வடிக்கிறார்கள் என்று கேட்டார். ஸ்ரீராமகிருஷ்ண பரமஹம்ஸர், விவேகானந்தரை, அவரது முழு இதயம் மற்றும் ஆத்மாவுடன் இறைவனுக்காக ஏங்குமாறு அறிவுறுத்தினார். இறைவன் பின்னர் அவர் முன் தன்னை வெளிப்படுத்திக் கொண்டே ஆக வேண்டும். நீங்கள் இறைவனை அனுபவிக்க வேண்டும் என்ற முனைப்புடன் இருந்தால், நீங்கள் உங்களையே இறைவனுக்காக அர்ப்பணிக்க வேண்டும். மக்கள், செல்வம், உறவினர்கள், பதவி மற்றும் அதிகாரம் ஆகியவற்றைப் பெறுவதற்கு பல விதமான கஷ்டங்களைப் படுகிறார்கள். அவர்கள் அந்தக் காலத்தின் ஒரு சிறிய பகுதியை, இறைச் சிந்தனைகளுக்காக அர்ப்பணித்தால், கண்டிப்பாக மரண பயத்திலிருந்து விடுதலையை அனுபவிப்பார்கள்.