மாணவ மணிகளே! நீங்கள் பல விதமான உடற்பயிற்சி சாதனைகளைச் செய்து காட்டினீர்கள். நீங்கள் பல விதமான விளையாட்டுப் போட்டிகளில் சிறந்து விளங்கியுள்ளீர்கள். உடலளவில், இந்த விளையாட்டுப் போட்டிகளுக்கு அவைகளுக்கே உரித்தான ஒரு மதிப்பு இருந்தாலும், இந்த அனைத்து ஆரோக்ய நன்மைகளைக் காட்டிலும் உயர்ந்த ஒன்று இருக்கிறது. அதுவே இந்த செய்தி; வாழ்க்கை ஒரு விளையாட்டு, அதை விளையாடுங்கள்! நீங்கள் வாழ்க்கையையே ஒரு பெரிய விளையாட்டாகக் கையாளக் கற்றுக் கொள்ள வேண்டும். இந்த விளையாட்டில் ஒரு நல்ல பெயரும், வெற்றியும் பெற, நீங்கள் நல்ல பழக்கங்களை வளர்த்துக் கொள்ள வேண்டும். நற்சிந்தனைகள், நல்ல வார்த்தைகள், நற் செயல்கள் ஆகியவையே, இந்த விளையாட்டிற்குத் தேவையான கட்டுப்பாடுகளாகும். டென்னிஸ் போன்ற ஒரு விளையாட்டில் வெற்றி பெறுவதற்கே இந்த அளவு பயிற்சி மற்றும் முயற்சியும் தேவைப் படும் போது, வாழ்க்கை எனும் விளையாட்டில் வெற்றி பெற இன்னும் எந்த அளவு முயற்சி தேவைப்படும் ! இந்த விளையாட்டில், நீங்கள் நல்ல பெயர் எடுக்க வேண்டும் என்றால், உங்களது இலட்சியங்களை நிலை நாட்டி, தெய்வீகத்தை உணருங்கள். நீங்கள் உங்களது அன்றாட வாழ்க்கையில் சரியான சிந்தனை, சரியான நடத்தை மற்றும் சரியான மனப்பாங்கினைக் கடைப்பிடிக்க வேண்டும் !