ப்ரேமையின் சக்தி எல்லையற்றது. அது எதை வேண்டுமானாலும் வெல்லத் தக்கது. ஒரு முறை, பகவான் புத்தர் பயணம் செய்து கொண்டு இருந்தபோது, ஒரு அரக்கி அவரை எதிர்கொண்டு, அவரைக் கொன்று விடுவதாக அச்சுறுத்தினாள். பகவான் புத்தர், புன்னகைத்து, "நீ அரக்கி அல்ல; நீ ஒரு தேவதை! நீ ஒரு அரக்கி போல நடந்து கொண்டாலும், நான் உன்னை நேசிக்கிறேன்" என்று சொன்னார். இந்த அன்பான வார்த்தைகளைக் கேட்டவுடன், அந்த அரக்கி, ஒரு புறாவாக மாறி, பறந்து சென்று விட்டாள். ப்ரேமை, ஒரு நெடுநாளைய எதிரியின் இதயத்தைக் கூட மாற்றி விட முடியும். இப்படிப்பட்ட பிரபஞ்சமயமான ப்ரேமையையே ஒவ்வொருவரும் வளர்த்துக்கொள்ள வேண்டும். கிருஸ்துவர்கள், முகமதியர்கள், இந்துக்கள், ஜொராஷ்ட்ரியர்கள் என பல மதங்களைப் பின்பற்றுபவர்கள் இந்த உலகில் உள்ளனர். அனவ அனைத்தும் சத்தியத்தையும், தர்மத்தையும் நிலை நிறுத்துவதால், மதங்களுக்கு இடையில் எந்த வித்தியாசங்களோ அல்லது அவநம்பிக்கையோ இருக்கக் கூடாது. இன்று உலகம், மோதலாலும், வன்முறையாலும் தூண்டப் பட்டு வருகிறது. மக்கள், ப்ரேமை மற்றும் நல்லொழுக்கத்தின் பாதைக்குத் திரும்பி, அர்த்தமுள்ள வாழ்க்கையை நடத்தினால் மட்டும்தான், அமைதியும், வளமையும் வெளிப்பட முடியும்.