உலகிற்கு ஏதாவது பயனுள்ள ஒரு வேலையை ஒருவர் மேற்கோள்ள வேண்டும். கிராமங்களுக்குச் சென்று, அவற்றை சுத்தமாக வைத்துக் கொள்வதற்கு உதவுங்கள். கிராமத்தின் பெண்களுக்கு, குழந்தை ஆரோக்யம்,குழந்தை பராமரிப்பு மற்றும் குழந்தைப் பயிற்சி ஆகியற்றிற்கான அடிப்படை கோட்பாடுகளைக் கற்றுக் கொடுங்கள்.ஆரோக்யம் வீழ்ச்சி அடைந்து விட்டால், மக்கள் விரக்தி அடைவதோடு மட்டும் அல்லாமல் நம்பிக்கை அற்றவர்களாகவும் ஆகி விடுகிறார்கள். ஆரோக்யம் நன்றாக இருந்தால், மனம் மற்றும் உடலில் வீர்யம் பரவி விடுகிறது. ப்ரேமையான சேவையின் மூலம், நீங்கள் அதிகமான ஆனந்தத்தை வளர்ப்பவர்களாக ஆகி விட முடியும். எந்த ஒரு சேவைப் பணியையும் இழிவானதாகக் கருதாதீர்கள். உதாரணமாக, தெருக்களைக் கூட்டுவது உங்களது தகுதிக்குக் குறைந்ததல்ல. உங்கள் இல்லத்தின் தரைகளை நீங்கள் கூட்டுவது இல்லையா? நீங்கள் அலம்பி, அழுக்குகளை நீக்குவது இல்லையா? நீங்கள் இப்படிப் பட்ட சேவைகளை மேற்கொள்ளும் போது, கிராமத்தவர்களும் கூட அதில் மகிழ்ச்சியாகப் பங்கேற்பார்கள். நல்லவர்களாக இருப்பதற்கு ஏன் வெட்கப்பட வேண்டும்? உங்கள் மீது சுமத்தப் படக்கூடிய ஏளனம், பல ஆன்றோர்களுக்கும் கூடக் கிடைத்த பரிசாகும். அது விரைவில் மறைந்து விடும்.