நீங்கள், ஞானமோ,பக்தியோ அல்லது கர்ம மார்க்கங்களின் ஏதாவது ஒன்றின் மூலம் இறைவனை இறுகப் பற்றிக் கொள்ளலாம். நீங்கள் ஒரு இரயிலில் முதல், அல்லது இரண்டாவது அல்லது மூன்றாவது வகுப்பில் பயணம் செய்யலாம்; ஆனால் போய்ச் சேருகின்ற இடம் ஒன்றுதான். ஞான மார்க்கம், இறைவன் உள்ளுறைபவனும், அனைத்திற்கும் அப்பாற்பட்டவனும் ஆவான் என்ற கணிப்பில் நடந்து கொள்கிறது. பக்தி மார்க்கம், இறைவனே படைப்பவன், காப்பவன் மற்றும் அழிப்பவன் என்றும், அவன் போற்றப்பட வேண்டியவன், அவன் பாராட்டும் செயல்களின் மூலம் திருப்திப் படுத்த வேண்டியவன் என்றும், அவனே தலைவன் மற்றும் அவனுக்குச் சேவை ஆற்றுவதற்கு நீங்கள் கொடுத்து வைத்தவர்கள் என்றும் நம்புகிறது. கர்மா மூன்றாவது அம்சமான இயற்கையை எடுத்துக் கொள்கிறது! மனிதன் இயற்கையைப் பயன்படுத்த வேண்டும், இயற்கையில் வாழ வேண்டும்,இயற்கையோடு வாழ வேண்டும், எப்போதும் இறைவனது மாட்சிமையைப் பெருக்குவதற்கு ஒருவரது அனைத்து செயல்களையும் அர்ப்பணித்துக் கொண்டும், தன்னையே இறை ஆராதனையில் ஈடுபடுத்திக் கொண்டும், செயல்களின் பலன்கள் இறைவனது கரங்களில் இருப்பதால், அவற்றைப் பற்றிக் கவலைப்படாமலும், இருக்க வேண்டும் என்பதே கர்ம மார்க்கம். இறைவனது வெண்மையான ஒளிக்கீற்று, மனிதப் பகுத்தறிவு மற்றும் மனம் எனும் பிரிஸத்தின் மூலம் ஊடுருவிச் செல்லும் போது மட்டும் தான், ஞானம், பக்தி மற்றும் கர்மம் என்ற மூன்று வண்ணங்களும் வெவ்வேறாகத் தோன்றும். அவற்றைச் செயலில் ஈடுபடுத்தி விடுங்கள்; அவை ஒரே ஒளிக்கதிரின் வெவ்வேறு பகுதிகளே என்பது தெளிவாகும்.