நீங்கள் வியாதியின் காரணமாக , சிவராத்திரியின் 12 மணி நேரத்திலும் விழித்துக் கொண்டு இருந்தால் , அது உங்களுக்கு தெய்வத்தின் அருளைப் பெற்றுத் தராது.நீங்கள் உங்களது வாழ்க்கைத் துணைவருடன் சண்டை போட்டுக் கொண்டு விட்டு ஒரு நாள் முழுவதும் சாப்பிடாமல் இருந்தால் அது, இறைவனது புத்தகத்தில் ஒரு உபவாசமாக குறித்துக் கொள்ளப் பட மாட்டாது. எந்த போக்தரும் (சுகத்தை நாடுபவர் ), பக்தராக இருக்க முடியாது; அதாவது இறைவனது சேவையிலிருந்து கிடைக்கும் லாபத்திலேயே கண்ணாக இருப்பவர் ஒரு உண்மையான பக்தனாக இருக்க முடியாது. மனிதர்கள் ஒரு நாள் ஸ்ரீராமனை வானளாவப் போற்றுவார்கள்; அவர்களது நல்ல காலம் வற்றி விட்டால், மறு நாளே அவனைத் தூற்றுவார்கள் . அதைப் போலவே, ‘’ என் கடவுள் தான் சிறந்தவன், மற்றவர்கள் எல்லாம் சின்னவர்களே’’ என்று கூறுபவர்களும், ஆன்மிக சாதனையின் அடிப்படை அம்சங்களை அறியாதவர்களே; அவர்கள் ஆன்மிக சேவைத் துறையில் நுழைவதற்கு அருகதையற்றவர்களே. தனா ( பணம்) உலகத்தின் நாணயமாகும்; சாதனாவே ஆன்மாவின் நாணயம். இறைவன் பார்ப்பதெல்லாம், பரிசுத்தம், சிரத்தை, எளிமை, ஆன்மிக சாதனை மற்றும் இறை நாம, ரூப ஸ்மரணையில் நிலையான ஆனந்தம் ஆகியவற்றையே.