மற்றவர்களின் வாழ்க்கையைப் பற்றி அறிந்து கொள்வதில் ,மக்கள் பேராசைக்காரர்களாக ஆகிக் கொண்டு வருகிறார்கள். மற்றவர்கள் மீது ஆர்வம் காட்டுவதன் மூலம்,அவர்கள் தங்களிடமிருந்தே தப்பித்துக் கொள்ளப் பார்க்கிறார்கள். அவர்கள் தங்களது சொந்த வாழ்க்கையின் விவரங்கள் அல்லது அவர்களது சொந்தப் பிரச்சனைகள் ஆகியவற்றைப் பற்றியோ அல்லது தங்களைத் தாங்களே திருத்திக் கொண்டு, மறுசீரமைத்துக் கொள்வதைப் பற்றியோ கவலைப் படுவதில்லை ! உங்களுள் தோன்றும் அனைத்து ஆர்வத்தின் மையமான உங்களது சொந்த ஆத்மாவைப் பற்றிய அறிவே உங்களுக்கு இல்லாத போது, உங்களது மூளையில் நீங்கள் சுமத்திக் கொள்ள விழையும் விஷயங்கள், உலகின் பல பிராந்தியங்களைப் பற்றிய அறிவு ஆகியவற்றால் என்ன பயன்? உங்களுடைய சொந்த அடையாளத்தையே அறிந்து கொள்ள இயலாமல், உலகனைத்தையும் சுற்றித் திரிந்து, பல இன மக்களைச் சந்திப்பதும்,பொருளை ஈட்டிச் செலவிடுவதில் ஆழ்ந்திருப்பதும் வீணே ! மனித உடல் எனும் மரம், ப்ரேமை எனும் பழத்தைத் தரும் போது தான் முழுமை பெறுகிறது என்ற உண்மையை உணர்ந்து, உள்ளாக்கிக் கொள்ளுங்கள். அது ஏன் வளர்கிறது என்பதற்கும், அதை எப்போதும் ஏன் பேணிக் காக்க வேண்டும் என்பதற்கும் காரணம் அந்த இனிமையான பரிசே !