வைரம், வைரத்தை அறுக்கும். முள்ளைப் பயன்படுத்தித் தான் முள் எடுக்கப் படுகிறது. கர்மா , கர்மாவை குணமாக்குகிறது. இருமைகளான துக்கம்-சுகம், துன்பம்- இன்பம், பிறப்பு – இறப்பு ஆகியவற்றை ஏற்படுத்துகிறது என்று குறை கூறப்படும் கர்மா கூட, இருமைகளின் பிடிகளிலிருந்து விடுதலையையும் அளிக்கிறது. கர்மா, பந்தம் மற்றும் மோக்ஷம் என்ற இரண்டையும் உண்டாக்குகிறது. சூரியன் உதயமாகிறது; இந்தச் செயல் தாமரை மலரின் இதழ்களை மலரச் செய்கிறது;ஆனால், குமுத மலரின் இதழ்களை மூடி விடுகிறது. சூரியன் அஸ்தமிக்கிறான்; அந்தச் செயல் நல்ல மனிதர்களை தங்களது இல்லங்களுக்கு அவர்களது குடும்பத்தினரோடு இருப்பதற்காக, விரைவாகச் செல்லச் செய்கிறது; ஆனால் அதுவே தீயவர்களை அவர்களது பதுங்கி இருக்கும் இடங்களிலிருந்து வெளிப்பட்டு, அவர்கள் கும்மாளம் அடிக்கும் இடங்களுக்கு விரைவாகச் செல்லச் செய்கிறது. உள்ளங்கையால், மிருதங்கத்தைத் தட்டினால் எழும் ஓசை காதுக்கு இனிமையாக இருக்கிறது. ஆனால், அதையே தகரத்தில் தட்டினால், அந்த ஓசை காதுக்கு நாராசமாக இருக்கிறது. நீங்கள் எதைச் செய்யத் தேர்ந்தெடுக்கிறீர்கள் என்பதைப் பொறுத்து, கர்மா, அழிக்கவோ அல்லது காக்கவோ செய்கிறது. காப்பாற்றும் கர்மாவின் இயல்பு தான் என்ன? சிவனை, இறுகப் பற்றிக் கொண்ட மார்க்கண்டேயன் செய்ததைப் போன்றதே அது. இதன் மூலம் நீங்கள் இறப்பைத் தோற்கடித்து , நிரந்தர ஆனந்தத்தைப் பெறலாம்.