சரணாகதி இன்றி, மோக்ஷமே இல்லை. குறுகிய ‘’ நான் ‘’ என்பதை நீங்கள் பற்றிக் கொண்டு இருக்கும் வரை, சிறையின் நான்கு சுவர்கள், உங்களை அடைத்து விடும். ‘’ நான்’’ என்பதை வெட்டி விடுங்கள், நீங்கள் சுதந்திரமாகி விடுவீர்கள். ‘’ நான்’’ என்பதைக் கொல்வது எப்படி?அதை இறைவனது பாத கமலங்களில் ‘’ நீயே, நான் இல்லை ‘’ என்று கூறி சமர்ப்பித்து விடுங்கள்; உங்களை அழுத்திக் கொண்டு இருக்கும் சுமையிலிருந்து நீங்கள் விடுபட்டு விடுவீர்கள். உங்களை எப்போதும் விசாலமான, எல்லையற்ற, தெய்வீகமான நிரஞ்சனத்துடன் இணைத்துக் கொண்டு விடுங்கள். பரமாத்மாவுடன் இரண்டறக் கலப்பதைப் பற்றி கனவு கண்டு, அதற்காகத் திட்டமிட்டு, பணியாற்றுங்கள் ! உங்களது சொந்த ஆத்மாவில் உங்கள் மனதை நிலை நிறுத்தி, அனைத்துத் தடைகளையும் தாண்டுங்கள். உங்கள் மனதை ஒரு குரங்கென்று கண்டனம் செய்யாதீர்கள்; அது ஒரு சிறப்பான கருவி. நீங்கள் அதை எப்படிப் பயன்படுத்துகிறீர்கள் என்பதைப் பொறுத்து, அது நீங்கள் மோக்ஷம் பெறவும் உதவும் அல்லது பந்தத்திலேயே கட்டுண்டு இருக்குமாறும் செய்யும். அது உங்களது கட்டளைகளை முழுமையாக நிறைவேற்றி, உங்களை, ஆத்ம சாக்ஷாத்காரத்தின் வாயிலுக்கான ராஜபாட்டையில் இட்டுச் செல்லும் ! அல்லது உங்களை இருட்டுச் சந்துகளுக்கு இட்டுச் சென்று விடும் ! அதை புத்திசாலித்தனமாகப் பயன்படுத்துங்கள்.