சிவம் இன்றி சத்யம் இல்லை; சுந்தரம் இன்றி சிவம் இல்லை.சத்யம் மட்டுமே மங்களத்தைத் தர வல்லது; மங்களம் மட்டுமே உண்மையான சுந்தரம் ஆகும். சத்யமே சுந்தரம், சந்தோஷமே சுந்தரம்.பொய்மையும், துக்கமும் அழகற்றவை ஏனென்றால் அவை இயல்பானவை அல்ல. சத்தியத்தின் ஜோதி சிவத்தை வெளிப்படுத்தும்; அறியாமையினால் பிறக்கும் கர்மா அல்லாது, உயர் ஞானம் அங்கீகரிக்கும் கர்மாவையே ஆற்றுங்கள். பின்னர், கர்மா அனைத்தும், மங்களகரமானதாகவும், பயனளிப்பதாகவும், ஆசீர்வதிக்கப் பட்டதாகவும் ஆகும். கண்ணாடிச் சுவர்கள் கொண்ட அறையில் மாட்டிக் கொண்ட ஒரு நாய், தான் காணும் எண்ணற்ற பிரதி பிம்பங்களில், தன்னை அல்லாது,எதிரிகள் மற்றும் போட்டியாளர்கள், தான் குரைக்க வேண்டிய பிற நாய்கள் எனக் காண்கிறது. எனவே, இந்த பிரதி பிம்பங்களில் மீது பாய்ந்து களைத்துப் போகிறது; இந்த பிம்பங்களும் பாயும் போது, அது கோபத்தினால் பித்துப் பிடித்தது போல் ஆகி விடுகிறது! ஆனால் ஒரு புத்திசாலி மனிதன் தனது சொந்த பிரதி பிம்பங்களையே கண்டு , சாந்தியுடன் இருக்கிறான்; தன்னைச் சுற்றிலும் தனது இவ்வளவு பிரதிபிம்பங்கள் இருக்கிறதே என்று சந்தோஷப் படுகிறான். நீங்கள் பெற வேண்டியது அப்படிப் பட்ட மனப்பாங்கே; இது உங்களை அவசியமற்ற கவலையிலிருந்து காப்பாற்றும்.