ஒளியைப் போல முக்கியத்துவம் வாய்ந்த அம்சம் இந்த உலகில் எதுவும் இல்லை.ஒளி தான் இருட்டை விலக்கி, நமக்கு வழிகாட்டுகிறது. ஒளியின் உதவியைக் கொண்டு தான் ஒவ்வொருவரும் தங்களது அன்றாடக் கடமைகளை ஆற்றுகின்றனர்.ஒரு விளக்கின் சுடர் இரண்டு வித குறிப்பிடத் தக்க குணங்களைக் கொண்டதாகும்.ஒன்று இருட்டை நீக்குவது; மற்றொன்று அதன் தொடர்ந்த மேல் நோக்கிய அசைவு. ஒரு விளக்கை ஒரு குழியில் வைத்தால் கூட, அதனது சுடர் மேல் நோக்கியே இருக்கும். அனைத்து பாரதப் பண்டிகைகளும் மனிதர்களுக்குத் தங்களது உள்ளார்ந்த, உள்ளுறையும் தெய்வீகத்தை நினைவூட்டும் ஒரு புனிதமான உள்ளர்த்தம் கொண்டவை ; நமது முன்னோர்கள் கூறியபடி, சுடரின் மேல் நோக்கிய அசைவு உங்களுக்கு ஞானம் மற்றும் தெய்வீகத்தின் பாதையை நினைவூட்ட வேண்டும் ! தீபம் இருளை நீக்குகிறது. உங்களுள் இருக்கும் அறியாமை எனும் இருளை நீங்குவதற்கு, வைராக்யம் ( பற்றின்மை) எனும் அகல், ப்ரேமை எனும் எண்ணெய் , ஒருமுனைப்பு எனும் திரி மற்றும் தத்வ ஞானம் ( ஆன்மீக ஞானம் ) எனும் தீப்பெட்டி ஆகியவை தேவை.எப்போது இந்த நான்கும் உங்களிடம் இருக்கிறதோ, அப்போது தான் நீங்கள் ஞான தீபத்தை ஏற்ற முடியும்.