ஒரு நிமிடம் சிந்தித்துப் பாருங்கள்; ஏன், எவ்வாறு ஆண்களும், பெண்களும், தங்களது உள்ளார்ந்த தெய்வீகத்தை மறந்தார்கள்? தாங்கள் மிகவும் சிறுமையானவர்கள் என்ற மாயையில் எவ்வாறு வீழ்ந்தார்கள்? இவ்வாறு ஆராயுங்கள்- பின்னர், தாற்காலிகமான சுகங்களின் பின்னால் மனம் ஓடித் திரிவதன் விளைவு தான் இது என்பதைத் தெரிந்து கொள்வீர்கள். பின்னர், இதற்கு நிவாரணம் தான் என்ன? இப்போது, மலை அளவு விஷயங்களின் மீது மனிதர்கள் தேர்ச்சி பெற்று விட்டார்கள்; ஆனால், ஞானம் தான் பின் தங்கி விட்டது! எனவே, ஆராய்ந்து, பிரபஞ்சமயமான, பரப்ரம்மத்தின் பிரதேசத்திற்குள் முன்னேறுவதற்கான உங்களது திறனை அபிவிருத்தி செய்து கொள்ள வேண்டும். இந்தப் பயணத்தின் வெற்றிக்கான ரகசியம் ஒரே ஒரு வார்த்தை தான் –இறை ஆராதனை ! ஒவ்வொன்றையும் இறை ஆராதனையாகச் செய்யுங்கள்.’’ நீங்கள் எப்படி உணருகிறீர்களோ, அவ்வாறே ஆகிறீர்கள் (யத் பாவம் தத் பவதி)’’ தெய்வீக ப்ரேமைக்கான ஒரு தாபம் உங்களுக்கு இருந்தால் மட்டுமே, தெய்வீகத்தைப் பற்றிய உணர்வு உங்களுக்குக் கிடைக்கும். அதன் மூலம் இறைவனுக்கான ஏக்கம் உங்கள் இதயத்தில் உறுதியாகப் பதிவதற்காக, அந்த இனிமையான ப்ரேமையின் ஒரு சுவையை உங்களுக்கு அளித்திட, இறைவன் மனிதனாக அவதாரம் எடுத்து வருகிறான்.