இன்று மனித குலத்தை நல்லொழுக்கத்தின் அஸ்திவாரங்களில் புனருத்தாரணம் செய்வதே, ஒரு பிரபஞ்சமயமான பிரச்சனையாகும். அனைத்து தேசங்களிலும் வாழ்க்கைத் தரத்திற்குத்தான் அதிக முக்கியத்துவம் அளிக்கப் படுகிறதே அன்றி , வாழும் முறைக்கு அல்ல. ஒரு முறை உலகியலான சந்தோஷங்களின் பாதையில் நீங்கள் திரும்பி விட்டால், நீங்கள் மேலும் அதிகமான அதிருப்தி, போட்டி மனப்பாங்கு, தற்பெருமை மற்றும் பொறாமைக்கு இட்டுச் செல்லப் படுவீர்கள். நீங்கள் அதிகம் பணக்காரராக ஆனபோது அதிகம் சந்தோஷப்பட்டீர்களா மேலும் உங்களது தேவைகள் பூர்த்தி ஆனபோது அதிகம் சாந்தியை அடைந்தீர்களா என்று ஒரு கணம் நின்று, உங்களது சொந்த அனுபவத்தை ஆராய்ந்து பாருங்கள். பின்னர், வாழ்க்கைத் தரத்தின் முன்னேற்றம் மட்டுமே சந்தோஷத்திற்கு உத்திரவாதம் அளிக்க முடியாது என்பதை நீங்களே காண்பீர்கள். கல்வி அல்லது விஷயங்களின் பாண்டித்யம் மற்றும் திறன்களைப் பெறுதல் ஆகியவை சமச்சீரான மனப்பாங்கிற்கான உத்திரவாதமல்ல என்பதை நினைவில் கொள்ளுங்கள். உண்மையில், படிக்காதவர்களை விட, படித்தவர்கள் தான் எங்கும் அதிக அதிருப்தியுடனும், அதிக போட்டி மனப்பாங்குடனும் இருக்கிறார்கள் என்பதை நீங்கள் காண்பீர்கள். எனவே, அவதாரத்தின் பணியான தர்ம புனருத்தாரணம், பாரதத்தைப் போலவே, உலகின் மற்ற பகுதிகளிலும் அவசரமான ஒன்றாகும்.