நம்பிக்கையே வெற்றியின் உயிர் மூச்சு ! தன்மீதும்,தான் ஆற்ற விழையும் நற்கருமத்தின் மீதும், தோல்வியின் அறிகுறி தெரிந்தாலும் வெற்றியின் மீதும் கொள்ளும் நம்பிக்கை. நல்லவராகவும், பயனுள்ளவராகவும், பரிவானவராகவும், இறை நம்பிக்கை கொண்டவராகவும் இருங்கள்- பின்னர் நீங்கள் அனைவரது நம்பிக்கையையும் வெல்வீர்கள் ! பற்றுதலும், வெறுப்பும் எந்த விதமான பணியிலும் முன்னேற்றம் அடைவதைத் தடுக்கும் மிகப் பெரிய எதிரிகள்.எவரும் தாங்கள் மற்றவர்களைக் காப்பாற்றுகிறோம் என்று நம்புவார்களேயானால், அவர்கள் பரிதாபகரமானவர்களே, ஏனெனில், மற்றவர் என்று எவருமே இல்லை ! அனைவரும் ஒன்றே; ஒருவரது துக்கம் ஒவ்வொருவரின் துக்கமே. மனித குலத்தின் அறியாமையே இந்த அடிப்படை குறைபாடு தான். நீங்கள் மட்டும் புத்திசாலியானவராக இருந்தால், அனைவரும், ஒரே சமுத்திரத்தின் மேற்பரப்பில் வரும் அலைகளே என்பதை அறிந்திருப்பீர்கள். தன்னலமற்ற சேவையே நீங்கள் குறிக்கோளாகக் கொள்ள வேண்டிய இலட்சியமாகும். லாபத்திற்கான ஆசை பாம்பின் விஷப் பற்கள் போன்றதே.; நீங்கள் அவற்றைப் பிடுங்கி எடுத்து விட்டால், கர்மா எனப்படும் பாம்பு தீங்கு செய்ய இயலாததாக ஆகி விடுகிறது; உங்களது செயல்கள் ஒரு மதிப்பு வாய்ந்த அர்ப்பணிப்பாக ஆகி விடுகின்றன.