பல மனிதர்கள், அனைத்து விதமான வழிபாடுகளும் ‘’ அவனது ‘’ செயல்கள் என்றும், அனைத்து விதமான ஈட்டுதலும் செலவிடுதலும் ‘’ எனது ‘’ செயல்கள் என்றும் கருதுகின்றனர். ஆனால், இது ஒரு தவறே! செயல்களுக்கு இடையை இப்படிப் பட்ட வித்தியாசங்கள் கிடையாது ; அனைத்து கர்மாக்களும் ஒன்று அவை இறைவனை ( மாதவனை ) நோக்கி இட்டுச் செல்லும் அல்லது அவனிடமிருந்து விலக்கி எடுத்துச் செல்லும் ! அனைத்து செயல்களும் அவனுடையதே! எப்போது நீங்கள் நோய்வாய்ப் பட்டு இருக்கிறீர்கள், ஆரோக்யமாக இருக்கிறீர்கள் என்றெல்லாம் சொல்கிறீர்களோ, நீங்கள் , உடலே ‘’நீங்கள் ‘’ என்று கருதுகிறீர்கள்; ஆனால், உண்மையில் நீங்கள் ஒன்றின் மேல் ஒன்றாக சுமத்தப் பட்டுள்ள பஞ்ச கோசங்களுக்குள் உள்ள ஆத்மா மட்டுமே. மனித குலத்தை, அச்சம்,கலக்கம் மற்றும் விரக்தி ஆகியவற்றிற்கு இழுத்துச் செல்லும் சுழற்சியோடு மிதக்குமாறு மக்களைத் தூண்டும் நவீன கலாசாரத்தினால் என்ன பயன்? நவீன கல்விமுறை, புலன்களின் மூலம் ஒருவர் பெறுவதே ஆனந்தம் என்று மட்டுமே புகட்டுகிறது. மன அமைதியைப் பெறுவதற்கான எந்தப் பயிற்சியின் அதில் இல்லை. நிரந்தரமான ஆனந்தத்தின் ஊற்று ஒருவருக்கு உள்ளேயே இருக்கிறது என்பதைக் கற்றுக் கொள்ள , நீங்கள் இப்போதாவது ஆரம்பிக்க வேண்டாமா?