தெய்வீக ப்ரேமையின் திருவுருவங்களே! நீங்கள் அருந்துகின்ற உணவு, உங்களது நட்பு வட்டம் அல்லது நீங்கள் வாழும் சூழ்நிலை ஆகியவற்றின் காரணமாக எழும் சந்தேகங்களுக்கு இடம் அளிக்காதீர்கள். உங்களது சந்தேகங்களை தைரியம் மற்றும் நம்பிக்கையுடன் எதிர் கொள்ளுங்கள். முதன் முதலில், உங்களுள் உள்ள குறைகளைக் களைந்து, உங்களது பக்தியை வலுவாக்கி, அதை உறுதியானதாகவும், அசைக்க முடியாததாகவும் ஆக்குங்கள். நீங்கள் செய்ய வேண்டிய முயற்சி (புருஷ ப்ரயத்ன) அதுவே. பின்னர் இறைவனது அருளைத் (தெய்வ அனுக்ரஹ) தானாகவே, நீங்கள் பெறுவீர்கள். உங்கள் மனதை மாற்ற வேண்டும் என பாபாவிடம் பிரார்த்திக்காதீர்கள். உங்களது சொந்த மனதை மாற்றி, அதை மனக்குவிப்போடு இருக்கச் செய்வது உங்கள் கடமையாகும். ஒவ்வொன்றையும், பாபாவே செய்ய வேண்டும் என நீங்கள் எதிர்பார்த்தால், உங்களுடைய பங்களிப்பு என்ன இருக்கிறது? உங்களது ஆன்மீக சாதனையை நிலையான நம்பிக்கையுடன் முறையாகவும், தீவிரமாகவும் செய்யுங்கள்.நீங்கள் உங்கள் பங்கை ஆற்றினால், இறைவனது உதவி தானாகவே வரும். உங்களது கடமையை ஆற்றி, விளைவுகளை இறைவனிடம் விட்டு விடுங்கள். இந்த சத்தியத்தின் பாதையில் நடந்து, ஞானத்தின் வழியைக் கடந்து, நீங்கள் இறைவனுடன் இரண்டறக் கலக்கும் வரை ஓயக்கூடாது.