“உன் நட்பு வட்டம் எது என்று சொல், நீ யார் என்பதை நான் சொல்கிறேன்’’ என்று கூறப்படுகிறது. எனவே, முதன் முதலில், நல்லோரின் நட்பு வட்டத்தில் பழகுங்கள். பின்னர், நீங்கள் ஒரு நல்ல மனிதராக ஆகி விடுவீர்கள். நற்தன்மையை நீங்கள் எங்கிருந்தோ பெறத் தேவை இல்லை.அது உங்கள் இயல்பிலேயே உறைந்துள்ளது. எவ்வாறு ஒரு இளஞ்செடி, ஒரு பெரிய மரமாக ஆவதற்காக, பேணி, வளர்க்கப் படுகிறதோ, அவ்வாறே நீங்கள் நல்லவற்றை உங்களுள்ளேயே வளர்த்துக் கொள்ள வேண்டும். மனிதர்களாகப் பிறந்த பின், மிருகங்ளைப் போல நடந்து கொள்வது மிகப் பெரிய பாவமாகும். எப்போதெல்லாம், வக்ரமான மிருக குணங்கள் தலை தூக்குகின்றனவோ, உடனேயே உங்களுக்கு நீங்களே, ‘’ நான் ஒரு மிருகமல்ல; நான் ஒரு மனிதனைப் போல நடந்து கொள்ள வேண்டும் ‘’ என்று நினைவூட்டிக் கொள்ள வேண்டும். துரதிருஷ்ட வசமாக, இன்று நீங்கள் எங்கு பார்த்தாலும், மிருக குணங்களே பரவலாக உள்ளன. நீங்கள் எங்கு சென்றாலும், எவரைச் சந்தித்தாலும், ஒரு ஒரு ஆசைதான் இருக்கிறது- பணம், பணம், மேலும் அதிக பணம். பணம் வரும் போகும், நற்குணம் வரும், வளரும் என்பதை நினைவில் கொள்ளுங்கள். எனவே, நற்குண நலன்களை அபிவிருத்தி செய்து கொண்டு, நல்லொழுக்கத்தில் வளருங்கள்.