மூன்று குணங்கள், மனிதனை, பிற மிருகங்களிலிருந்து இனம் பிரித்துக் காட்டுகின்றன. அவையே, அனுதாபம், இரக்கம் மற்றும் துறவு மனப்பாங்கு. இன்று, ஒரு விதமான பஞ்சம், மனித இதயத்தில், இந்த உணர்வுகளை வறண்டு போகச் செய்து விட்டன. இந்த பரிதாபகரமான நிலைமை, மாணவர்கள் மற்றும் ஆசிரியர்கள் என்ற இருவரிடையேயும் கலக்கத்தையும், குழப்பத்தையும் உருவாக்கிக் கொண்டு இருக்கின்றன. பணத்தைக் குவிப்பதனால், சாந்தியையும், பாதுகாப்பையும் வளர்ப்பது இயலாத காரியமே என்றாலும் கூட, பணத்தினால், எதையும் சாதிக்க முடியும் என்ற நம்பிக்கை மனிதர்களின் மனதில் வளர்ந்து விட்டது. பணம், ஏராளமான உணவை வாங்க முடியும்; .அது பசியை வாங்க முடியாது. பணம் மருத்துவ வசதியையும் ,மருந்துகளையும் வாங்க முடியும்; ஆனால் அதனால்,ஆரோக்யத்தையும், நோய் எதிர்ப்புச் சக்தியையும் வாங்க முடியாது. பணம் வேலைக்காரர்களை வாங்க முடியும்; ஆனால், அதனால், நன்மதிப்பை வாங்க முடியாது. அது சௌகரியத்தை வாங்க முடியும், சந்தோஷத்தை அல்ல. அதனால், நற்குண நலனையும், ஒழுக்கத்தையும் வளர்க்க உதவ முடியாது. இந்த சத்தியத்தை மாணவர்கள், ஆசிரியர்கள் என்ற இருவரும் புரிந்து கொள்ள வேண்டும். ஏனெனில், ஆசிரியர்கள், நாட்டை உருவாக்குகிறார்கள்; மாணவர்கள் நாட்டை வலிவானதாகவும், வல்லமை படைத்ததாகவும் நிர்மாணிக்கிறார்கள்.