மனித வாழ்க்கையை, ஒரு நான்கு அடுக்கு மாளிகைக்கு ஒப்பிடலாம். பிரம்மச்சர்யம், கிருஹஸ்தம், வானப்ரஸ்தம் மற்றும் சந்நியாசம் ஆகியவையே மனித வாழ்க்கையின் இந்த நான்கு நிலைகள். பிரம்மச்சர்யமே அஸ்திவாரம்; அஸ்திவாரம் உறுதியாக இருந்தால், மற்ற மூன்று நிலைகளும் தானாகவே பராமரிக்கப் படும்.ஆனால், அவர்களிடம் ஒரு வலுவான அஸ்திவாரம் இல்லாததால், நவீன கால இளைஞர்கள், அவர்களது வாழ்க்கையின் நான்கில் மூன்று பங்கை பாழடித்துக் கொண்டு இருக்கிறார்கள். பெரியவர்கள், அவர்களை ஐந்து நிமிட நேரம் பிரார்த்தனைகளுக்காக அமரச் சொல்லும் படி அறிவுத்தும் போது, தங்களுக்கு நேரம் இல்லை என்று கூறுகிறார்கள்; ஆனால், தீய பண்புகள் மற்றும் பழக்கங்களில் உழல்வதற்கு அவர்களுக்கு ஊர்ப்பட்ட நேரம் இருக்கிறது. குறிப்பாக, இளைஞர்கள் ஒரு வலுவான ப்ரம்மச்சர்யத்தின் அஸ்திவாரத்தை நிறுவ எல்லா முயற்சியும் எடுத்துக் கொள்ள வேண்டும். வெறுமனே திருமணம் செய்து கொள்ளாமல் இருப்பது மட்டுமே ப்ரம்மச்சர்யம் ஆகாது. பரப்பரம்மத்தை, இடையறாது தியானிப்பதே உண்மையான ப்ரம்மச்சர்யம் ஆகும். இறைவனை எண்ணி, எல்லாச் சந்தர்ப்பங்களிலும், அவன் திருநாமத்தை உச்சரியுங்கள். பரிசுத்தமான ஒரு வாழ்க்கையை நடத்துங்கள். ப்ரேம தத்துவத்திற்கு உங்கள் வாழ்க்கையை அர்ப்பணியுங்கள். இதுவே, உங்கள் வாழ்க்கை எனும் மாளிகையின் பாதுகாப்பிற்கு உத்திரவாதம் அளிக்கும்.