இன்று மனிதர்கள், தங்களது புத்தி ( மதி),முயற்சி ( கதி), பதவி (ஸ்திதி ) மற்றும் செல்வத்தை ( ஸம்பத்தி) முறையாகப் பயன்படுத்துவதில்லை; அதன் விளைவாக, தெய்வம் பரிசாக அளித்த புனித சக்தியை இழந்து கொண்டு இருக்கிறார்கள். இது மட்டும் அல்லாது,காமம்,க்ரோதம், லோபம் போன்ற அவர்களது தீய குணங்களால் துக்கத்திற்கும், துயரத்திற்கும் ஆளாகிறார்கள். அவர்களுக்கு தங்களது ஆசைகள் மீது கட்டுப்பாடே இல்லை. ஒரு ஆசை பூர்த்தி ஆனவுடன், அவர்கள் மற்றொன்றிற்காக ஏங்குகிறார்கள். மற்றுமொரு தீய குணமான கோபம், மனிதர்களை அழித்து விடுகிறது. த்வேஷம், கோபத்தை விட அதிகம் அபாயகரமானதாகும். அது, நீங்கள் தெய்வீகத்தை உணர முடியாதவாறு தடுக்கும் மேலும் பல தீய குணங்களை உருவாக்குகிறது. மனிதர்கள், நூறு ஆண்டு காலம் வாழ்வார்கள் என எதிர் பார்க்கப் படுகிறது; ஆனால், இந்தத் தீய குணங்களின் காரணமாக, ஒருவரின் வாழ்நாள் குறைக்கப் பட்டு விடுகிறது. இந்தத் தீய குணங்கள் முழுமையாக அடக்கப் படும் போது, ஒருவர், ஒரு நீண்ட மற்றும் சந்தோஷமான வாழ்க்கையை அனுபவிக்க முடியும். ஒருவர், ஒரு தீவிரமான விபத்தை சந்திக்க நேரிட்டாலும் கூட, அவனோ அல்லது அவளோ, தனது வாழ்க்கையை இழக்க மாட்டார்.