ஆரோக்கியத்தைப் பாதுகாத்துப் பராமரிப்பதில், உணவுப் பழக்கங்கள் முன்முறை முக்கியத்துவம் வாய்ந்தவை. இவை கட்டுப் படுத்தப் படாவிட்டால், ஆரோக்கியம் பாதிக்கப் படுகிறது. நாக்கின், கட்டுக் கடங்காத சாகசத் தன்மையை ஒருவர், தடுத்தே ஆக வேண்டும். 84 லட்சம் விதமான ஜீவராசிகளில், மனிதர்களைத் தவிர மற்ற அனைத்தும், இயற்கை அன்னை தரும் உணவிலேயே வாழ்கின்றன. கொதிக்க வைப்பது, வறுப்பது, குளிர வைப்பது மற்றும் கலப்பது, அரைப்பது மற்றும் ஊற வைப்பது போன்ற முறைகளால், அதிக சுவையான, பார்வை, தொடுதல் மற்றும் நுகர்வது போன்ற புலன்களுக்குக் கவர்ச்சியான உணவை உருவாக்க, மனிதன் மட்டுமே பாடுபடுகிறான். இந்தப் பேராசையின் முடிவு, ஆரோக்யமின்மையும், தளர்ச்சியுமே. இயற்கை தரும் உணவுப் பொருட்களே உண்மையில் மிகவும் பயனுள்ளவை என்பதை ஒருவர் உணர வேண்டும். உஷ்ணப்படுத்துவதால், அவை உயிராற்றலைத் தரும் கூறுகளை இழந்து விடுவதால், சக்தியையும், செயல் திறனையும் தர முடியாது. ஒரு மனிதன் விரைவாக முதுமை அடைந்து, இளமைத் துடிப்பை இழந்து விடுகிறான். நாக்கின் பேரார்வத்திற்கு தீனியிட்டு, ஒரு நாளில் மூன்று அல்லது நான்கு முறை அடர்த்தியான உணவுகளை விழுங்குவது, குப்பையை மட்டுமே அதிகரிக்கும். முறையாகவும் , அளவாகவும் உட்கொள்ளுவது, ஒரு மனிதனை, தனது கடமைகளை ஆற்ற உதவும்.