உங்களுடைய ஆத்மாவைப் பற்றித் தெரிந்து கொள்வது கடிமான காரியமே. உங்களுடைய சொந்த வாயாலேயே நீங்கள் உண்ட உணவை எடுத்துக் கொள்ளுங்கள். அதை நீங்கள் உங்கள் வயிற்று வரையிலும் தான் உணருகிறீர்கள்; அதன் பிறகு ஒவ்வொரு நிலையிலும் என்ன நடக்கிறது என்பதை நீங்கள் அனுபவிப்பதில்லை. அப்படி இருக்கும் போது, அதற்கான தனிப்பட்ட தகுதிகளைப் பெறாமல், உங்களைச் சுற்றிச் சூழ்ந்துள்ள அன்னமய, ப்ராணமய, மனோமய, விஞ்ஞானமய மற்றும் ஆனந்தமய கோசங்களைத் ( உணவு, ப்ராணன், மனம்,புத்தி மற்றும் ஆனந்த கோசங்கள்) தாண்டி அப்பாற்பட்டு இருக்கும் சத்தியத்தைப் பற்றி, உங்களால் எப்படி அறிந்து கொள்ள முடியும் ? உங்களது தீசக்தியிலிருந்து (புத்தியிலிருந்து) அஹங்காரத்தின் ஒட்டடைகள், ஆசையின் தூசிகள், பேராசை மற்றும் பொறாமையின் புகைக்கரி ஆகியவற்றை நீக்குங்கள் ; பின்னர் அது உள்ளார்ந்த சத்தியத்தை வெளிப்படுத்த உகந்த ஒரு கருவியாக ஆகி விடும். ‘’ உங்களையே உணருங்கள், உள்ளார்ந்து உந்துபவரை அறிந்து கொள்ளுங்கள் , அந்தர்யாமியை ( உள்ளுறைபவர்) அறிந்து கொள்ளுங்கள்’’- இவையே அனைத்து மத நூல்களின் அறிவுறுத்தல்களாகும். அந்த ஞானம் உங்களுக்கு இல்லாவிடில், நீங்கள் புயல் மோதும் கடலில்,திசைகாட்டி இன்றித் திண்டாடும் ஒரு கப்பலைப் போன்றவரே.