நீங்கள், வங்கியில் பணத்தை சேமித்து வைக்கும் போது, உங்களது வங்கி அதைப் பாதுகாப்பாக வைத்துக் கொள்ள உதவுகிறது. உங்களுக்குக் கஷ்டம் வரும் போது, அதை உபயோகித்துக் கொள்ள, வங்கி அனுமதிக்கிறது. ஆனால், உங்கள் பணம், உலகியலான சங்கடங்களில் மட்டுமே உதவும். ஆயிரக்கணக்கான தவிர்ப்புச் செயல்களாலும், உங்களுக்கே நீங்கள் இந்த சௌகரியம் அல்லது அந்த வசதி ஆகியவற்றை மறுத்தும், இந்தப் பொருள் அல்லது அந்தப் பொருளில் சேமித்தும், குறைவாகச் செலவழித்தும், அதிகமாக சம்பாதித்தும், மிகுந்த கவனத்துடன், நீங்கள் பணத்தைக் குவித்துக் கொள்கிறீர்கள் ; ஆனால், இந்தக் குவியலை விடுத்து, காலியான கரங்களுடன் நீங்கள் செல்ல வேண்டிய ஒரு நாள் வரும். இந்தக் கணக்குப் புத்தகம் அங்கு கவனிக்கப் பட மாட்டாது. முதுமைக்காகவும், கஷ்ட காலங்களுக்காகவும் ஒரு வங்கியில் சேமிக்கும் பழக்கத்தை நீங்கள் வளர்த்துக் கொள்ளத் தான் வேண்டி இருந்தாலும், மறுமைக்காகவும் ‘’சேமிக்கும் பழக்கத்தையும் ‘’, நீங்கள் ‘’ காப்பாற்படுவதற்காக ‘’ வளர்த்துக் கொள்வது அவசியமாகும். தர்மம் சர, சத்யம் வத ( தார்மீகமான செயல்களை ஆற்று, சத்தியத்தையே பேசு ) – அதுவே அந்த முறையாகும். தர்மம், சத்யம் மற்றும் ப்ரேமை ஆகியவையே, அந்த வங்கி ஏற்றுக் கொள்ளும் நாணயங்கள். இந்த நாணயங்களின் பரிசுத்தத்தால் எதிரொலிக்கும் அனைத்து செயல்கள், சொற்கள் மற்றும் உணர்வுகளே அங்கு சேமிப்புக்களாக ஏற்றுக் கொள்ளப் படும்.