நிரந்தரமற்ற இந்த உலகில், மனிதனுக்குத் தெரியாத பல மர்மமான சக்திகள் உள்ளன. இவை புத்திக்கு அப்பாற்பட்ட மற்றும் மறைந்திருக்கும் சக்திகள் எனக் குறிப்பிடப்படுகின்றன; எல்லோராலும் இவற்றைப் புரிந்து கொள்ள இயலாது. ஒவ்வொரு ஜீவராசியும் தெய்வீக சக்தி கொண்டதே. அதனால் தான் நான் உங்களை எப்போதும், திவ்யாத்ம ஸ்வரூபலாரா ( தெய்வீக ஆத்மாவின் ஸ்வரூபங்களே) என அழைக்கிறேன். இன்றும் கூட, வைத்தியர்களால், மனித உடலின் இரகசியங்களையும், மர்மங்களையும் புரிந்து கொள்ள முடியவில்லை. உதாரணத்திற்கு, நாக்கை எடுத்துக் கொள்ளுங்கள். நாக்கில், 40,000 சுவை அரும்புகள் உள்ளன. இவற்றில், 25,000 அரும்புகள், நாவில், வெப்பத்தை உண்டாக்குகின்றன. அளவில் அரை இஞ்ச் கூட இல்லாத கண், 13 கோடி விதமான ஒளிக் கிரணங்களை உணர வல்லதாகும்.உங்கள் உடலில் இலட்சக் கணக்கான செல்கள் உள்ளன; அவை ஒவ்வொன்றும் தெய்வீகமானவையும், உங்களது முழு வடிவத்தை தன்னுள் கொண்டவையும் ஆகும். இது மிகவும் வியப்பூட்டுகிறது அல்லவா? எவருடைய படைப்பு இது? இதுவே புத்திக்கு அப்பாற்பட்ட தெய்வீகத்தின் சக்தியாகும்.இப்படிப் பட்ட, அங்கிங்கெனாதபடி எங்கும் வியாபித்திருக்கும் தெய்வீகத்தை இல்லை என்று கூறுவது அறிவீனமே !