தர்மத்தைப் புறக்கணிப்பதற்கான தூண்டுதல் அஹங்காரத்திலிருந்து வளருகிறது; ஒரு கீழ்த்தரமான ஆசையைப் பூர்த்தி செய்து கொள்ள வேண்டும் என்ற விருப்பமே அதர்மத்தின் அடிப்படைக் காரணமாகும்.இந்த விருப்பம், இரவில் வரும் ஒரு திருடனைப் போல அல்லது உங்களைக் காக்க வரும் ஒரு நண்பனைப் போல அல்லது உங்களுக்குப் பணி ஆற்ற வரும் ஒரு சேவகனைப் போல அல்லது உங்களை எச்சரிக்க வரும் ஒரு ஆலோசகரைப் போல, தந்திரமாகவும் மற்றும் சத்தமின்றியும் உங்களை ஆக்கிரமித்துக் கொண்டு விடுகிறது. தீயவை, உங்களது இதயத்தைக் கவருவதற்கு ஒரு ஆயிரம் தந்திரங்களைக் கொண்டதாகும். இப்படிப் பட்ட தூண்டுதல்களுக்கு எதிராக எப்போதும் விழிப்புடன் இருங்கள். இந்த விருப்பம், உங்களது விழிப்புணர்வில் ஒரு துளையிட்டு, உள் நுழைந்து தன்னை நிலை நாட்டிக் கொள்கிறது; பலவாறாகப் பெருகி, பல வருடங்களாக, மிகுந்த கவனத்துடன் நீங்கள் உருவாக்கிய உங்களது தனித்தன்மையை விழுங்கி விடுகிறது. பின்னர், அது, உங்களது இதயக் கோட்டையை ஆக்ரமித்து விடுவதால், நீங்கள் உங்களது கட்டுப்பாட்டில் இனிமேல் இருக்கப் போவதில்லை; உங்களது உள்ளார்ந்த எதிரிகளின் ஒரு கைப்பாவையாக நீங்கள் ஆகி விடுகிறீர்கள்.எப்போதெல்லாம், நீங்கள் உங்களை புனர் நிர்மாணம் செய்து கொள்ள முயலுகிறீர்களோ, அப்போது, அந்தக் கட்டிடத்தை அவை துளைத்து விடுகின்றன ; பின்னர் நீங்கள் மறுபடியும், ஆரம்பத்திலிருந்தே தொடங்கி ஆக வேண்டும் ! எனவே, தர்மத்தைப் புறக்கணிப்பதற்கான முதல் தூண்டுதலையே எதிர்ப்பதற்கு விழிப்புடன் இருங்கள் !