இயற்கையின் ஒவ்வொன்றிற்கும் அதனதன் தர்மம் என்று ஒன்று இருக்கிறது; தண்ணீர் பாய்ந்து ஓடுவதை தர்மமாகவும், நெருப்பு சுட்டுப் பொசுக்குவதை தர்மமாகவும், காந்தம் ஈர்த்துத் தன் பால் இழுத்துக் கொள்வதை தர்மமாகவும் கொண்டுள்ளன. இவை ஒவ்வொன்றும், சூரிய மண்டலம் மற்றும் நட்சத்திரங்கள் உட்பட, அனைத்தும் தங்களது தர்மத்தை மாறாமல் வைத்துக் கொண்டுள்ளன. விழிப்புணர்வு அல்லது சைதன்யம் உள்ளவற்றில், செடிகள் மற்றும் மரங்கள், பூச்சிகள் மற்றும் பறவைகள் முட்டைகளிலிருந்து தோன்றியவை அல்லது பாலூட்டி வளர்பவை என்ற அனைத்தும், காலத்தினால் பாதிக்கப் படாமல் தத்தம் தர்மத்தை பாதுகாத்துக் கொண்டு வந்துள்ளன. ஆனால், அசையாதவை மற்றும் அற்பமானவற்றிலிருந்து,பரப்ரம்மம் மற்றும் பிரபஞ்சமயமானவை வரை செல்ல வல்ல புத்தி படைத்த மனிதகுலம் மட்டுமே , ஜீவராசிகளில் வழி தவறி, தாழ்ந்து கொண்டே இருக்கின்றது. தர்மம், ‘’ சத்யம் வத, தர்மம் சர ‘’ – அதாவது சத்தியத்தையே பேசு, தர்மத்தின் படி நட என அறிவுறுத்துகிறது. விழித்திருக்கும் ஒவ்வொரு தருணத்திலும், நீங்கள் தர்மத்தின் படி நடக்கிறீர்களா அல்லது வழி தவறுகிறீர்களா என ஆராயுங்கள். தர்மத்தைப் பற்றி நீங்கள் புரிந்து கொண்டதை பிரதிபலிக்குமாறு, உங்களது சிந்தனைகள், சொற்கள் மற்றும் செயல்களால் ஒவ்வொரு தருணத்தையும் நிரப்புங்கள்.