இந்த உடல், கவனமாக பராமரிக்கப் பட்டு, பேணப்பட வேண்டிய மிக விலையுயர்ந்த ஒரு பரிசாகும். இது, ஒரு பாராட்டத்தக்க பணியை ஆற்றுவதற்காக பரிசாக அளிக்கப் பட்ட, மிகவும் சிக்கலான, ஆனால் மிகவும் சிறப்பான இசைவுடன் பணியாற்றக் கூடிய கருவியாகும். இதனுடைய வெளிப்புறமும் கூட, தூய்மையாகவும், நற்குணம் மற்றும் வசீகரம் நிறைந்ததாகவும் இருக்க வேண்டும். பேரானந்தம் எனும் பழத்தின் தோலே இந்த பூத உடல்; சாறு நிறைந்த உட்கனிப் பகுதியே, தசை, எலும்பு மற்றும் நரம்புகளாகும்; கடினமான உண்ண முடியாத கொட்டையே வாழ்க்கையில் தோன்றும் தீயவைகளாகும்; எதற்காக அந்த மரம் நடப்பட்டு , பேணப்பட்டதோ, அந்தப் பழம் தரும் சாறே, அது அனைவருடனும் பகிர்ந்து கொள்ளும் ஆனந்தமாகும். சீலம் சீராக இருந்தால், உடலும் ஒளி விட்டுத் திகழும் ; மனித சேவையும், மகேசனின் ஆராதனையும் அதன் வசீகரத்தைப் பராமரிக்கும். அதில் ஏதாவது ஒரு சிறிய பங்காவது, தன்னலமற்ற ப்ரேமையால் இனிமையாக்கப் படுகிறதா என்பதைக் கண்டு பிடிக்க, மனிதனின் மிகச் சிறிய செயலைக் கூட, இறைவன் தனது ஆயிரமாயிரம் கண்களால் உற்று நோக்கிக் கொண்டு இருப்பான். நீங்கள் தெய்வீக ஆத்ம ஸ்வரூபங்களே என்று அறிந்து கொண்ட பிறகு, இந்தப் பிறவியிலேயே, இறைவனின் அருளைப் பெற ஏங்குங்கள்.