குளிர், வெப்பம் என்ற இரண்டுமே இறைவனின் திட்டம் தான் ! இதை ஏற்றுக் கொண்டு, இரண்டையுமே மதிப்பு வாய்ந்ததாகக் கருதுங்கள்.துன்பங்களும், துயரங்களும், இறைவனது கருவிப் பெட்டியில் உள்ள, உங்களைப் பரிசுத்தப் படுத்துவதற்கான சக்தி வாய்ந்த உபகரணங்கள். உண்மையில் தாயார் குந்தி பகவான் ஸ்ரீகிருஷ்ணரிடம், ‘’ எங்களுக்கு எப்போதும் துன்பத்தையே தருவாயாக, ஏனெனில் அப்போது தான் நாங்கள் உங்களை ஒருபோதும் மறக்கவே மாட்டோம் ‘’ என்று பிரார்த்தித்தாராம். துன்பமும், வேதனையும், இறைநாமஸ்மரணை என்ற மருந்துடன் கூடவே , வைத்தியர் அறிவுறுத்தும் பத்தியமாகும். முட்செடிகள், முள்ளற்ற செடிகள் என்ற இரண்டுமே இயற்கையில் உள்ளன; அறிவுள்ள ஒரு மனிதன் இரண்டின் மதிப்பையும் அறிவான். அவன், முள்ளற்ற செடியை நட்டுவிட்டு, அவன் பேணும் அந்தச் செடிக்கு எந்தத் தீங்கும் வராமல் இருக்க அதைச் சுற்றி முட்செடிகளின் புதரை வைக்கிறான். கர்மா, ஒன்றைக் காப்பாற்றவும் முடியும், கொல்லவும் முடியும். அது, பற்களால் கடிக்கும் பூனையைப் போன்றது; ஒரு பூனை தனது குட்டிகளை தனது பற்களால் கவ்வி, அவற்றை ஒரு பாதுகாப்பான இடத்திற்கு எடுத்துச் செல்கிறது ; ஆனால், அது, கொன்று சாப்பிடுவதற்காக ஒரு எலியைக் கடிக்கிறது. பூனைக் குட்டிகளைப் போல ஆகுங்கள், கர்மா, ஒரு நேசிக்கும் தாயைப் போல உங்களைக் காப்பாற்றும். ஒரு எலியாக ஆகுங்கள், நீங்கள் காணாமல் போய் விடுவீர்கள் !