சம்துஷ்ட்டி (திருப்தி) இதயத்தை, தெய்வீகக் களிப்பால் நிரப்புகிறது. இது உலகிலிருந்து பற்றுதலை விடுவதற்கான ஒரு நிலையைக் குறிக்கிறது; ஏனெனில், உலகம் ஒருவரை துன்பத்திலிருந்து இன்பத்திற்கும், பின்னர் திரும்பவும் துன்பத்திற்கும் ஊசலாடுமாறு செய்கிறது.சந்தோஷத்தை நாடுவது அல்லது துக்கத்தைத் தவிர்ப்பது என்பதற்கான முயற்சிகளைத் விடுத்து, வாழ்வின் ஏற்றத் தாழ்வுகளைப் பற்றி அக்கறை இன்றி இருங்கள். வெற்றி உங்களது அஹங்காரத்தை அதிகரிக்கவும் கூடாது, தோல்வி உங்களைத் துவண்டு விடச் செய்யவும் கூடாது. கௌரவங்கள் உங்களைத் தலைக்கனம் கொண்டவர்களாக ஆக்கக் கூடாது, அகௌரவங்கள் உங்களைத் தலை குனியச் செய்யவும் கூடாது. சமச்சீரான மனநிலையும், அமைதியும் திருப்தியின் அடையாளச் சின்னங்கள். பக்தன், எது நடந்தாலும், அது, தான் சரணாகதி அடைந்த இறைவனின் ஸங்கல்பத்தால் ஏற்பட்டது என நன்றி உணர்வுடன் வரவேற்க வேண்டும். பக்தர்கள் கவலை மற்றும் பயம், தற்பெருமை மற்றும் பொறாமை ஆகியவை இன்றி இருத்தல் வேண்டும். கோபம், பொறாமை, த்வேஷம் மற்றும் ஆசைகளின் கும்பல் ஆகியவையே உங்களை அழிப்பதில் குறியாக இருக்கும் நான்கு எதிரிகள். ஏற்றத்தையும், தாழ்வையும் தெய்வீக நாடகத்தின் அங்கங்களாகக் கருதுங்கள். இறைவனை வழிபட்டு, ஒவ்வொரு ஜீவராசியிலும் உறையும் அவனுக்கு ப்ரேமையை அர்ப்பணிப்பதே, அவனது அருகாமை மற்றும் அன்பை நாடும் ஒவ்வொரு பக்தனுக்கான ஒழுக்க நெறியின் அடிப்படைப் பரிந்துரையாகும்.