எளிமையாகவும், சிரத்தையுடனும் இருங்கள். உங்களது பக்தியை வெளிப்படுத்த, உங்கள் வீடுகளின் பூஜை அறைகளில் இருக்கும் படங்கள் மற்றும் விக்ரஹங்களில் மாலைகளின் பளுவைச் சுமத்துவதும், விலையுயர்ந்த பாத்திரங்கள் மற்றும் நைவேத்யங்களை அணிவகுத்துக் காட்டுவதும், வெறும் பண விரயமே ஆகும்.இது வெறும் ஏமாற்று வேலையே; படாடோபம் மற்றும் விளம்பரத்தின் மீது இருக்கும் ஆசை தெய்வத்துக்கு இருப்பதாகக் காட்டுவது, இறைவனை அவமதிப்பது போலாகும். அருளைப் பொழிவதற்கு நான் கேட்பது எல்லாம் பரிசுத்தமான இதயம் மட்டுமே. உங்களுக்கும் எனக்கும் இடையே உள்ள தூரத்தைக் கணக்கிடாதீர்கள்;குருவுக்கும் சிஷ்யனுக்கும் இருக்க வேண்டிய சம்பிரதாயங்களையும் நடுவில் கொண்டு வராதீர்கள்; இறைவனுக்கும் பக்தனுக்கும் இடையே உள்ள ஏற்றத் தாழ்வுகளைக் கூட, உங்களுக்கும், எனக்கும் இடையே கொண்டு வராதீர்கள்.நான் குருவும் அல்ல, கடவுளும் அல்ல; நான் நீங்களே; நீங்கள் ,நானே -இதுவே சத்தியம். இங்கு எந்த வித்தியாசமும் இல்லை. அவ்வாறு தோன்றுவது மாயையே. நீங்கள் அலைகள், நான் கடல். இதை அறிந்து கொண்டு, சுதந்திரமாக ஆகி,ஒரு இலட்சிய வாழ்க்கை நடத்துங்கள் !