முதன் முதலில், உங்கள் இதயத்தைத் தூய்மையாக ஆக்கிக் கொள்ளுங்கள். தூய்மை மட்டுமே தெய்வீகத்தை ஈர்க்கிறது. இரும்புத் துகள்கள், துருப்பிடித்து இருந்தால், அதி சக்தி வாய்ந்த காந்தத்தால் கூட அவற்றை ஈர்க்க முடியாது. இரும்புத் துகள்கள், அதற்குச் சக்தி இல்லை எனக் காந்தத்தைக் குறை கூறக் கூடும். ஆனால், காந்தம், ‘’ நீங்கள் என்ன வேண்டுமானாலும் எண்ணிக் கொள்ளுங்கள், எனக்குக் கவலை இல்லை. துருவை நீக்கி விட்டுத் தூய்மையாக ஆகுங்கள். அதன் பிறகே, நான் உங்களை ஈர்ப்பேன் ‘’ என்று கூறி விடும்.அதைப் போலவே, இறைவன் தீய சிந்தனைகளால் துருப்பிடித்து இருக்கும் உங்கள் மனதை ஈர்ப்பான் என்று நீங்கள் எவ்வாறு எதிர் பார்க்க முடியும்? நல்லவற்றையே பார்த்து, நல்ல விஷயங்களையே கேட்டு, நல்ல மற்றும் இதமான வார்த்தைகளையே பேசி, புனிதமான செயல்களையே மேற்கொள்ளுங்கள். நீங்கள், இவ்வாறு நடந்து கொண்டால், நீங்கள் கேட்காமலேயே, இறைவன் கண்டிப்பாகத் தனது அருளை உங்கள் மீது பொழிந்திடுவான். இறைவனைத் தியானிப்பது ஒன்றே, புலன்களைத் தூய்மையாக வைத்துக் கொள்வதற்கான ஒரே வழியாகும். அனைத்து ஆன்மீக சாதனைகளும், புலன்கள் மீது கட்டுப்பாடு செலுத்துவதற்காக ஏற்பட்டவையே.